Alfredo Martínez Serrano ye un diplomáticu asturianu, embaxador d'España en Canadá dende 2021.
Biografía Alfredo nació n'Uviéu, descendiente d'una pernomada familia d'intelectuales asturianos, ente los que ta'l que fuera ministru de Trabayu, Xusticia y Sanidá, el doctor Alfredo Martínez García-Argüelles, sobrín de Leopoldo Alas "Clarín".
Llicencióse en Derechu (1994) tres estudiar nes universidaes d'Universidá d'Uviéu y de Pisa. Darréu completó la so formación universitaria con un máster en Derechu de la Xunión Europea nel Institutu d'Estudios Europeos (Universidá Llibre de Bruxeles) y un programa de lideralgu y xestión pública del IESE, amás de realizar estudios de ciencies polítiques na Universidá de California.
Fala dellos idiomas: inglés, francés, italianu, árabe y búlgaru.
Carrera diplomática Ingresó na Carrera Diplomática (1998). Foi nomáu segundu xefe de Protocolu, con rangu de subdireutor xeneral na Xefatura del Estáu (2007-2012) y xefe de serviciu del Gabinete del ministru d'Asuntos Esteriores. Nel esterior, ocupó les segundes xefatures de les embaxaes d'España n'Arabia Saudita, Bulgaria, El Salvador y Exiptu.
Foi'l segundu xefe de protocolu de Xuan Carlos I (2007-2012), adscritu a les alteces reales los Príncipes d'Asturies, y xefe de protocolu de la casa de Felipe VI (2014-2021).
En 2021 nomáronlu embaxador d'España en Canadá. Dende Ottawa coordinó la repatriación y asistencia a los familiares de los marineros del pesqueru Villa de Pitanxo, fundíu nes agües de Terranova na madrugada del 15 de febreru de 2022. El treslláu de los trés únicos integrantes vivos de la embarcación y de cinco marineros finaos fízose dende l'aeropuertu de St. John's hasta Santiago de Compostela.
Referencies
Categoría:Diplomáticos y diplomátiques d'Asturies Categoría:Persones d'Uviéu Categoría:Medaya d'oru d'Asturies Categoría:Alumnáu de la Universidá d'Uviéu