miniaturadeimagen|330x330px|Vista aérea del aeropuertu LaGuardia en 2014. L'Aeropuertu LaGuardia ye un aeropuertu d'usu civil asitiáu en East Elmhurst, nel distritu de Queens de la ciudá norteamericana de Nueva York. Construyíu en 1929 y d'usu públicu dende 1939, ocupa actualmente una estensión de 280 ha, y recibe'l so nome del de Fiorello La Guardia, alcalde de Nueva York ente 1934 y 1945.
L'aeropuertu recibe principalmente vuelos nacionales, porque al nun tener delegación de la Oficina d'Aduanas y Protección de Fronteres nun puede recibir vuelos procedentes d'otru país que nun ficieran escala primero notru aeropuertu del país. En 2019 yera'l terceru con más vuelos y pasaxeros del área metropolitana de Nueva York, tres el John F. Kennedy y el de Newark y el 21ᵘ con mayor volume de pasaxeros del país. Magar que l'aeropuertu ye un centru d'operaciones tanto p'American Airlines como pa Delta Air Lines, el movimientu d''aeronaves ta sometíu a importantes restricciones: hai una suspensión de vuelos nocturnos munchos meses del añu, el tráficu regúlase por un sistema de slots y hai, col envís d'amenorgar la contaminación acústica, una norma de perímetru que prohibe, sacante los sábados, los vuelos con orixe o destín a una distancia mayor de 2.400 km.
Nes décades de 2000 y 2010 LaGuardia garró sonadía por tener unes instalaciones antigües y sucies y pola so ineficiencia nel manexu de les operaciones aérees. Como rempuesta a estes crítiques l'Autoridá Portuaria de Nueva York y Nueva Jersey anunció, en 2015, un plan multimillonariu (8.000 millones de dólares de presupuestuLGA redevelopment, na web del aeropuertu (anewlga.com).) de reconstrucción de les infraestructures del aeropuertu que se ha prolongar hasta 2025. En 2020 abriose la nueva Terminal BRedevelopment mliestones, na web del aeropuertu (anewlga.com).,
Referencies
Enllaces esternos
Categoría:Edificios de Nueva York (estáu) Categoría:Aeropuertos d'Estaos Xuníos