Чамбал

Ча́мбал () — рака ў Індыі, левы прыток ракі Джамна (басейн ракі Ганг).

Даўжыня ракі каля 830 км. Плошча вадазбору каля 135 000 км². Сярэдні расход вады каля 600 м³/с. Улетку расход вады дасягае 20 000 м³/с. Выток ракі знаходзіцца на Дэканскім пласкагор’і, у гарах Віндх’я. Рака перасякае плато Малва. Ніжняе цячэнне на Інда-Гангскай раўніне. Вада ракі выкарыстоўваецца на арашэнне. Суднаходная на асобных частках.

На рацэ горад Кота. Паблізу ад горада Рампур вадасховішча і ГЭС.