Ганна Сяргееўна Рызатдзінава (, нар. , , Украіна) — украінская гімнастка. Бронзавая прызёрка Алімпійскіх гульняў 2016 года ў індывідуальным шматбор’і, чэмпіёнка свету ў практыкаваннях з абручом (2013), шматразовая прызёрка чэмпіянатаў свету і Еўропы, іншых міжнародных спаборніцтваў.
Спартыўная кар’ера Пачала займацца мастацкай гімнастыкай ва ўзросце 5 гадоў. Першы трэнер — Вераніка Бяляева. Маці, Аксана Валер’еўна Рызатдзінава, таксама трэнер па мастацкай гімнастыцы ў Сімферопалі.
2011 2011 год — бронзавая прызёрка чэмпіянату Еўропы і чэмпіянату свету ў камандным першынстве.
2012 Удзельніца Летніх Алімпійскіх гульняў-2012.
У 2012 годзе стала восьмай на чэмпіянаце Еўропы ў Ніжнім Ноўгарадзе, і шматразовым прызёрам этапаў Кубка свету.
2013 На Чэмпіянаце свету ў Кіеве, які праходзіў з 28 жніўня па 1 верасня, Ганна выступала ў 6 дысцыплінах і заваявала залаты і два сярэбраныя медалі.
2014 На спаборніцтвах чэмпіянату свету ў Баку (чэрвень 2014) і Ізміры (восень) заваявала бронзавыя ўзнагароды — у шматбор’і, у практыкаваннях з булавамі і стужкай, камандным першынстве.
2015 У верасні на ліцэнзійным чэмпіянаце свету ў Штутгарце Рызатдзінава заваявала чатыры бронзы (у практыкаваннях са стужкай, абручом і булавамі, а таксама ў камандным першынстве — разам з Вікторыяй Мазур і Элеанорай Раманавай), атрымаўшы алімпійскую ліцэнзію. Яна таксама стала чацвёртай у практыкаваннях з мячом і пятай — у індывідуальным шматбор’і.
2016 На чэмпіянаце Еўропы ў ізраільскім Халоне, які праходзіў у новым фармаце (толькі шматбор’і, без фіналаў у асобных відах), Ганна атрымала бронзавую ўзнагароду.
20 жніўня Ганна заваявала бронзавы медаль на спаборніцтвах па мастацкай гімнастыцы ў індывідуальным шматбор’і на Алімпійскіх гульнях 2016 у Рыа-дэ-Жанэйра (Бразілія).
Крыніцы
Спасылкі Ганна Рызатдзінава — Модныя ножкі
Катэгорыя:Гімнасты Украіны Катэгорыя:Бронзавыя прызёры летніх Алімпійскіх гульняў 2016 года Катэгорыя:Гімнасты на летніх Алімпійскіх гульнях 2012 года Катэгорыя:Гімнасты на летніх Алімпійскіх гульнях 2016 года Катэгорыя:Гімнасткі (мастацкая гімнастыка)