Вайсковыя могілкі — могілкі ў Магілёве, размешчаныя ў скверы па вуліцы Лазарэнкі. Пахаваны 109 воінаў Савецкай Арміі і партызан, якія загінулі ў Вялікую Айчынную вайну. Сярод пахаваных — воіны 173-й стралковай дывізіі 13-й арміі Заходняга фронту, якая абараняла Магілёў у ліпені 1941 года, 49-й і 50-й армій 2-га Беларускага фронту, што загінулі ў чэрвені 1944 года пры вызваленні Магілёва ад нямецка-фашысцкіх захопнікаў, а таксама Героі Савецкага Саюза Міхаіл Кандрацьевіч Буянаў, Міхаіл Апанасавіч Замулаеў, Асман Мусаевіч Касаеў і Мікалай Васілевіч Рамашка.
У 1965 годзе на могілках пастаўлены помнік — скульптурная кампазіцыя: воін з аўтаматам і дзяўчына, 19 надмагільных пліт з імёнамі загінуўшых. У наш час на магіле стаіць бронзавая скульптурная кампазіцыя вышынёй 4 м: дзве жанчыны, якія трымаюць цела салдата.
Літаратура
Спасылкі
Спіс пахаваных
Катэгорыя:Брацкія магілы Магілёва Катэгорыя:Славутасці Магілёва Катэгорыя:Помнікі Вялікай Айчыннай вайны ў Беларусі Катэгорыя:вуліца Лазарэнкі (Магілёў) Катэгорыя:Могілкі Магілёва Катэгорыя:Сквер імя М. В. Рамашкі