Dacia Duster — кампактны красовер, упершыню прадстаўлены ў снежні 2009 года. Аўтамабіль быў створаны дзякуючы сумесным намаганням кампаній Renault і Nissan. На рынку Еўрапейскага Саюза красовер прадаецца пад маркай Dacia, але на рынках Расіі, Украіны, Турцыі, Лацінскай Амерыцы, Аўстраліі, Новай Зеландыі і Азіі аўтамабіль прадаецца пад маркай Renault. Duster сканструяваны на базе платформы В0, якую выкарыстоўваюць мадэлі Sandero і Logan. У 2011 годзе зборку Dacia Duster пачалі ажыццяўляць у Расіі пад маркай Renault на заводзе «Аўтафрамас» (Рэно Расія).
Першае пакаленне (HS; 2010) Duster першага пакалення мог камплектавацца двума відамі рухавікоў — бензінавым і дызельным, якія былі злучаны з механічнай 6-ступеністай каробкай перадач. Дызельны — 4-цыліндравы рухавік, аб’ёмам 1,5 літра з турбанаддувам. Бензінавыя рухавікі прадстаўлены ў выглядзе 4-цыліндравых агрэгатаў аб’ёмам 1,6 або 2,0 літра. Падчас эксплуатацыі каробкі перадач на першых партыях аўтамабіляў адзначаліся рыўкі пры пераключэнні перадач.Обзор тест-драйва: Renault Duster 2015
У 2014 годзе быў праведзены рэстайлінг мадэлі. Прэзентацыя абноўленага Renault Duster адбылася на Міжнародным Франкфурцкім аўтасалоне ў верасні 2014 года.
Другое пакаленне (HM; 2017) Увосень 2017 года на Міжнародным Франкфурцкім аўтасалоне быў прадстаўлены Dacia Duster другога пакалення (HM). Красовер дасягае 4,43 м у даўжыню, а яго дарожны прасвет роўны 210 мм. Аб’ем багажніка пярэднепрыводнай версіі складае 478 л, а ў поўнапрывадной — 467 л. Калі скласці заднія сядушкі, то атрымваецца 1623 л. Рухавік можа быць бензінавым (4-цыліндравы, аб’ёмам 1,6 або 2,0 літра) ці дызельным (4-цыліндравы, аб’ёмам 1,5 літра з турбанаддувам). Каробка перадач механічная, варыятарнага тыпу ці рабатызаваная EDC.Renault Duster нового поколения засветился на официальных фото
Трэцяе пакаленне (P1310; 2023) У кастрычніку 2020 года Dacia пацвердзіла, што працуе над заменай для Duster другога пакалення. Афіцыйна трэцяе пакаленне Dacia Duster было прадстаўлена ў лютым 2024 года.
Гісторыя
На аўтасалоне ў Сан-Паўлу ў 2012 годзе Renault прадставіў канцэпт DCross, заснаваны на серыйнай версіі Renault Duster. Ён адрозніваўся ярка-зялёнай і матава-чорнай фарбай, падвышанай вышынёй дарожнага руху, багажнікамі на даху і запасным колам зверху, але ніякіх іншых дэталяў не было пададзена.
Румынія прадэманстравала баявы варыянт Duster з браніраваннем, лябёдкай і кулямётам на даху.
У кастрычніку 2014 года на аўтасалоне ў Сан-Паўлу кампанія Renault прадставіла пікап з падвойнай кабінай пад назвай Duster Oroch. Канцэпт-кар бярэ падказкі дызайну з канцэпту DCross, паказанага на папярэднім мерапрыемстве.
Бяспека Вынікі краш-тэсту Renault Duster 2011 года згодна з Euro NCAP: Дарослы пасажырДзіцяПешаходСістэмы бяспекі74 %78 %28 %29 %
Агляд мадэлі
Крыніцы
Катэгорыя:Аўтамабілі паводле алфавіта Duster Катэгорыя:Красоверы