«Трапарова» — станцыя Маскоўскага метрапалітэна, размешчана на Сакольніцкай лініі паміж станцыямі «Паўднёва-Заходняя» і «Румянцава». Знаходзіцца на мяжы раёнаў Трапарова-Нікуліна і Цёплы Стан, на паўднёвы захад ад скрыжавання праспекта Вярнадскага і Ленінскага праспекта. Станцыя была адкрыта 8 снежня 2014 года і стала канцавой паўднёвага радыуса лініі да яе падаўжэння 18 студзеня 2016 года на адзін перагон да станцыі «Румянцава».
Вестыбюлі Станцыя размешчана на цотным боку Ленінскага праспекта. На станцыі ёсць два падземныя вестыбюлі з падземнымі пераходамі пад Ленінскім праспектам. З паўднёва-заходняга вестыбюля можна выйсці да жылога мікрараёна па няцотным боку Ленінскага праспекта, а з паўночна-ўсходняга — на цотны бок Ленінскага праспекта, да Рузскай вуліцы і Трапароўскага лесапарка. Наземныя павільёны вырашаны ў стылі мінімалізму. Станцыя мае сістэму ліфтаў, што забяспечваюць доступ з наземнай паверхні на ўзровень касавай залы і на платформу.
Спасылкі Официальный сайт Московского метрополитена
Катэгорыя:Станцыі Маскоўскага метрапалітэна Катэгорыя:Аднаскляпеністыя станцыі мелкага залажэння Катэгорыя:Трапарова-Нікуліна