Bésame Mucho (Бэсамэ муча), што перакладаецца з іспанскай як «Цалуй мяне шмат» ці «Цалуй мяне мацней» — песня, напісаная мексіканскім кампазітарам Кансуэлай Веласкес у 1940 годзе перад сваім шаснаццацігоддзем. Песня вельмі хутка стала адным з папулярных хітоў 20 стагоддзя.
Па словах самой Веласкес на напісанне песні яе натхніла арыя з оперы Goyescas, вядомага іспанскага кампазітара Энрыке Гранадаса.
У 1944 годзе Бэсамэ муча стала першай мексіканскай песняй, якая перамагла ў Нью-Ёркскім хіт-парадзе.
Кавер-версіі Існуюць варыянты песні на англійскай, французскай, японскай, в'етнамскай, рускай і іншых мовах. Песню ў розных варыянтах і аранжыроўках выконвалі больш як 700 выканаўцаў па ўсім свеце, у тым ліку:
Джымі Дорсі The Beatles Элвіс Прэслі The Ventures Луі Армстронг Сезарыя Эвора Пласіда Дамінга Хасэ Карэрас Сафія Ратару Віктар Зінчук і іншыя.
Беларускія выканаўцы песні Матыў «Бэсамэ муча» гучыць у песні «Работа» з альбому гурта «Крамбамбуля» «Каралі раёну».
У альбоме Умные вещи (1995) гурта Neuro Dubel ёсць песня з назвай Бессаме муче, праўда да арыгінальнай версіі яна мае даволі ўскоснае дачыненне.
Фільмы Кампазіцыя таксама выкарыстоўвалася ў якасці саўндтрэку да фільмаў: Вялікія спадзяванні (Great Expectations), A toda máquina, Месяц над матэлем (The moon over parador), Арызонская мара (Arizona Dream), Масква слязам не верыць (Москва слезам не верит) і Усмешка Моны Лізы (Mona Lisa Smile).
Спасылкі Арыгінальны тэкст песні з літаратурным перакладам на англійскую Валентына Андэрса
Катэгорыя:Музыка Мексікі Катэгорыя:Песні Мексікі Катэгорыя:Песні паводле алфавіта Катэгорыя:Музычныя творы 1940 года Катэгорыя:Песні на іспанскай мове Катэгорыя:Песні The Beatles