«На́ша сло́ва» — штотыднёвая газета, орган Таварыства беларускай мовы.
Выдавалася з сакавіка 1990 года ў Мінску як штотыднёвы бюлетэнь. Са студзеня 1991 да красавіка 1997 — штотыднёвая газета.
На пачатку 1990-х выходзіла ў друкарні «Чырвоная зорка», дзе не было абсталявання для аўтаматычнага ўкладання ўнутраных старонак, на працягу чатырох гадоў кожны нумар «Нашага Слова» ўручную збіралі Андрэй Вашкевіч з мамай.
Змяшчала інфармацыйныя, публіцыстычныя, гістарычныя, палемічныя, агітацыйныя і мовазнаўчыя матэрыялы па праблемах беларускай мовы і культуры.
Рэспубліканская рада ТБМ прыняла 26 верасня 1997 года пастанову пра ўзнаўленне выдання, што было даручана Лідскай радзе ТБМ. З лістапада 1997 года газета выходзіць у Лідзе як прыватнае штотыднёвае выданне для дзяцей старэйшага ўзросту.
Станам на 2016 год, уваходзіла ў асацыяцыю выдаўцоў рэгіянальнай прэсы «Аб’яднаныя Масмедыі».
Галоўныя рэдактары Эрнест Васільевіч Ялугін (1991—1997).
Крыніцы
Спасылкі Афіцыйны партал «Наша слова» на kamunikat.org Асацыяцыя выдаўцоў рэгіянальнай прэсы «Аб’яднаныя Масмедыі»
Катэгорыя:Газеты Беларусі Катэгорыя:Газеты на беларускай мове Катэгорыя:Аб’яднаныя Масмедыі Катэгорыя:1990 год у Беларусі Катэгорыя:Таварыства беларускай мовы імя Францішка Скарыны Катэгорыя:Даліна (Лідскі раён)