«Дэтэктыў Элайдж Бейлі і робат Дэніэл Оліва» — цыкл навукова-фантастычных раманаў і апавяданняў са значным дэтэктыўным ухілам амерыканскага фантаста Айзека Азімава.
Цыкл прысвечаны прыгодам сышчыка-зямляніна Элайджа Бейлі і яго напарніка — робата-касманіта Р. Дэніэла Оліва. Першы твор напісаны ў 1949 годзе. Цыкл з’яўляецца сувязным паміж цыкламі «Я, робат» і «Акадэмія».
Сюжэт Дзеянне раманаў цыкла адбываецца на фоне супрацьстаяння «касманітаў» () — жыхароў былых касмічных калоній Зямлі, якія атрымліваюць асалоду ад камфортнага і доўгага жыцця на планетах-«знешніх светах» і прытрымліваюцца крайняга індывідуалізму, — і зямлян, жыццё якіх ускладнена наступствамі перанасялення роднай планеты — яна праходзіць у гіганцкіх гарадах-мурашніках, названых Азімавым «Стальнымі пячорамі» (назва першага рамана цыкла).
Жыццё таленавітага дэтэктыва Элайджа Бейлі выпала на крызісны перыяд: час нарастання супярэчнасцей паміж Зямлёй і Знешнімі светамі. Для расследавання забойства касманіта, які знаходзіўся на Зямлі, яму ў напарнікі прыкамандзіраваны незвычайны прадстаўнік знешніх светаў па імі Р. Дэніэл Оліва, дзе «Р» азначае робат.
Ад вынікаў гэтага і наступных расследаванняў Бейлі і яго напарніка залежыць вельмі шмат што, аж да будучыні цывілізацыі.
Творы, якія ўваходзяць у цыкл «Маці-Зямля» / Mother Earth (1949) «Стальныя пячоры» / The Caves of Steel (1954) «Аголенае сонца» / The Naked Sun (1956) «Люстраны адбітак» / Mirror image (1972) «Робаты світанку» / The Robots of Dawn (1983) «Робаты і Імперыя» / Robots and Empire (1985)
* Катэгорыя:Кніжныя серыі Катэгорыя:Робаты