Перакла́д Сё́мухі — пераклад усёй Бібліі, здзейснены Васілём Сёмухам і выдадзены ў 2002 годзе ў Мінску тарашкевіцай.
Васіль Сёмуха, які спярша пачынаў працу над перакладам Біблійнай камісіі Беларускай праваслаўнай царквы, у 1995 годзе выдаў уласны пераклад Новага Запавету і Псалтыру з царкоўнаславянскай мовы.
У 2002 выйшаў пераклад усяе Бібліі, здзейснены пад рэдакцыяй місіянера Юркі Рапецкага (Канада) з дапамогай мітрапаліта Беларускай аўтакефальнай праваслаўнай царквы Мікалая. Асновай гэтага выдання стаў рускі Сінадальны пераклад 1876 года.
Сёмухаў пераклад вельмі багаты моўна, аднак крытыкуецца за «непрыкрытую вольнасць у перакладзе цяжкіх месцаў, дыялектнае напісанне біблейскіх імёнаў, нарэдка да страты іх запаветнай этымалогіі»; акрамя таго, даследчыца Ірына Дубянецкая, доктар сакральнай філасофіі, заўважае, што крыніца перакладу — руская Сінадальная Біблія — мае сама па сабе шмат тэкстуальных памылак.
Бібліяграфія
Крыніцы
Спасылкі Біблія ў перакладзе Васіля Сёмухі на Беларускай Палічцы Беларускі пераклад (В. Сёмухі) на партале «Библия Онлайн» (люстэрка) БІБЛІЯ: КНІГІ СТАРОГА І НОВАГА ЗАПАВЕТУ ў перакладзе В.Сёмухі (2002) на сайце «Беларуская Біблія» Пераклад Бібліі Васіля Сёмухі на партале БАПЦ