Астрашыцка-гарадоцкія замкава-палацавыя комплексы. Існавалі ў XVII – XIX стст. у вёскі Астрашыцкі Гарадок Мінскага раёна.
1) У інвентары 1650 г. апісаны драўляны замак з абарончымі сценамі і 4 вуглавымі вежамі, абкружаны штучным ровам і сажалкамі. На замкавым двары стаялі 1-павярховы драўляны палац, дом "прускага муру", розныя гаспадарчыя пабудовы, стайня, вадзяны млын, тартак.
2) У інвентары 1745 г. апісана сядзіба (драўляны палац, фальварак, гаспадарчыя пабудовы, ставы з млынамі, рыбныя сажалкі).
3) У пачатку XIX ст. за 1 км ад вёскі пабудаваны мураваны 2-павярховы палац у стылі несапраўднай готыкі. У ім знаходзілася каштоўная калекцыя твораў выяўленчага і дэкаратыўна-прыкладнога мастацтва, сабраная М. Тышкевічам. Згарэў у 1860 г. Да 1876 г. побач пастаўлены новы мураваны атынкаваны палац. У вялікім парку, што абкружаў палацы, быў звярынец.
Катэгорыя:Замкі Беларусі Катэгорыя:Астрашыцкі Гарадок Катэгорыя:З’явіліся ў XVII стагоддзі Катэгорыя:Зніклі ў XIX стагоддзі