Віктар Міхайлавіч Анішчык () — беларускі фізік, доктар фізіка-матэматычных навук (1990), прафесар (1991). Член экспертнага савета ВАК, член вучоных саветаў БДУ, ІФТТ АН Беларусі.
Біяграфія Нарадзіўся 19 сакавіка 1945 года ў г. п. Наваельня Дзятлаўскага раёна Баранавіцкай вобласці ў сям’і служачых. Бацька — Міхаіл Трафімавіч Анішчык (1905—1973)Профессор физического факультета БГУ Виктор Михайлович Анищик, беларускі палітык, дэпутат Вярхоўнага Савета БССР (1955—1963).
У 1967 годзе скончыў фізічны факультэт БДУ і паступіў у аспірантуру пры кафедры фізікі цвёрдага цела. У 1971 годзе абараніў кандыдацкую дысертацыю. Стажыраваўся ў ЗША (1974) і Англіі (1982).
З 1990 па 2012 гады працаваў загадчыкам кафедры фізікі цвёрдага цела, з 1997 па 2018 гады — дэканам фізічнага факультэта БДУ.
Навуковая дзейнасць З’яўляецца аўтарам і сааўтарам больш за 400 публікацый, у тым ліку 7 манаграфій, 5 навучальных дапаможнікаў, 9 вынаходстваў. Падрыхтаваў 15 кандыдатаў і 3 дактароў фізіка-матэматычных навук.
Сярод апублікаваных прац: Инновационная деятельность: слов.-справ. / В. М. Анищик, А. В. Русецкий, Н. К. Толочко; под ред. Н. К. Толочко — Минск : Изд. центр БГУ, 2006. — 175 с. — ISBN 985-476-400-1;
Узнагароды За навуковую і грамадскую дзейнасць узнагароджаны знакам «Выдатнік народнай адукацыі», з’яўляецца членам Пятроўскай акадэміі навук і мастацтваў (1994), членам Міжнароднай акадэміі навук Еўразіі (1997), прысвоена званне «Заслужаны дзеяч навукі Рэспублікі Беларусь» (1998), сябра Беларускай інжынернай акадэміі (1999), заслужаны работнік Беларускага дзяржаўнага ўніверсітэта (2011). Узнагароджаны прэміямі Нацыянальных акадэмій навук Беларусі, Украіны і Малдовы (2012), прэміяй імя А. Н. Сеўчанкі (2015). У 2021 годзе ўзнагароджаны медалём Францыска Скарыны.
Крыніцы
Катэгорыя:Фізікі СССР Катэгорыя:Фізікі Беларусі Катэгорыя:Дэканы фізічнага факультэта БДУ Катэгорыя:Вынаходнікі Беларусі