Энгельберт Хумпердынк (; , , Рэйнская вобласць, Каралеўства Прусія — , , свабодная дзяржава Мекленбург-Штрэліц у Веймарскай рэспубліцы) — нямецкі кампазітар.
Біяграфія Нарадзіўся ў сям’і Густава Хумпердынка (1823—1902), выкладчыка Зігбургскай гімназіі. З дзіцячых гадоў захапляўся музыкай, пачаў сачыняць дзіцем. У 1867 годзе напісаў зінгшпілі «Жамчужына» і «Клаўдзіна фон Віла Бэла». У 1869 годзе спяваў у царкоўным хоры ў Падэрборне. У 1872—1876 гадах вучыўся ў Кёльнскай кансерваторыі ў Фрыдрыха Гернсхайма, потым у 1877—1879 гадах у Мюнхенскай каралеўскай школе музыкі ў Ёзэфа Райнбергера. Таксама браў прыватныя ўрокі ў Франца Лахнера. У 1879 годзе жыў у Рыме ў якасці лаўрэата прэміі Мендэльсона. Затым падарожнічаў па Італіі, Францыі і Іспаніі і два гады выкладаў у кансерваторыі Вялікага тэатра «Лісеа» у Барселоне. У 1887 годзе ён вярнуўся ў Кёльн.
У 1890 годзе ён быў прызначаны прафесарам Кансерваторыі Хоха ў Франкфурце-на-Майне, выкладаў таксама ў вакальнай школе Юліуса Штокхаўзена. У ліку вучняў Хумпердынка — іспанскі кампазітар басконскага паходжання Андрэс Ісасі, кампазітар Леа Шпіс. Ён таксама выкладаў музыку сыну Рыхарда Вагнера, Зігфрыду.
Імя кампазітара выкарыстоўваецца ў якасці псеўданіма эстраднага спевака Арнольда Дорсі з сярэдзіны 1960-х гадоў.
Катэгорыя:Кампазітары Германіі Катэгорыя:Кампазітары XIX стагоддзя