YouTube Music – сэрвіс патокавага прайгравання музыкі, распрацаваны амерыканскай відэаплатформай YouTube, даччынай кампаніяй Google. Ён уяўляе сабой спецыялізаваны інтэрфейс сэрвісу, арыентаваны на патокавую перадачу музыкі, які дазваляе карыстальнікам праглядаць песні і музычныя відэакліпы на YouTube на аснове жанраў, плэйлістоў і рэкамендацый. У красавіку 2023 года з'явілася падтрымка падкастаў.
Сэрвіс таксама прапануе прэміум-узровень, які дазваляе прайграваць музыку без рэкламы, а таксама загружаць песні для аўтаномнага прайгравання. Гэтыя перавагі таксама даступныя падпісчыкам YouTube Premium. З 1 снежня 2020 гады сэрвіс замяніў Google Play Music у якасці асноўнага брэнда Google для патокавага прайгравання музыкі.
Гісторыя Праграма YouTube Music была прадстаўлена ў кастрычніку 2015 г. і выпушчана ў наступным месяцы. Яе выхад адбыўся адначасова са з'яўленнем YouTube Premium (першапачатковая назва YouTube Red) – буйнейшага сэрвісу падпіскі, які ахапляе ўсю платформу YouTube, уключаючы сэрвіс Music. Нягледзячы на тое, што праграма дублюе існуючы сэрвіс падпіскі Google Play Music, яна была распрацавана для карыстальнікаў, якія ў асноўным спажываюць музыку праз YouTube.
Геаграфічная даступнасць
Сэрвіс даступны ў 104 краінах. У ніх уваходзіць Беларусь і ўсе геаграфічныя суседзі.
Асаблівасці Даступнасць музыкі ўключае шматлікія рэлізы мэйнстрымных выканаўцаў і распаўсюджваецца на любыя відэаролікі, класіфікаваныя на сэрвісе YouTube як музычныя.
Першапачаткова YouTube Music працаваў паралельна з Google Play Music, але ў снежні 2020 гады апошні быў зачынены. У 2018 годзе менеджэр па прадуктах Эліяс Роман заявіў, што перад пераводам карыстальнікаў на YouTube Music яны планавалі дасягнуць функцыянальнага парытэту з Google Play Music, але па стане на 2021 год гэтага дабіцца не ўдалося.
У верасні 2019 г. YouTube Music замяніў Google Play Music у базавым пакеце Google Mobile Services, які распаўсюджваецца на новых прыладах Android. У маі 2020 года было выпушчана абнаўленне, якое дазваляе імпартаваць з Google Play Music набытую музыку, плэйлісты, воблачныя бібліятэкі і рэкамендацыі. У сэрвісе па-ранейшаму прысутнічаюць недахопы ў параўнанні з Google Play Music, у тым ліку адсутнасць функцыі музычнай інтэрнэт-крамы (немагчымасць пакупкі кампазіцый) і неабходнасць падпіскі на YouTube Music Premium для перадачы воблачных бібліятэк на смарт-дынамікі Google Nest. Кампанія Google заявіла, што плануе прыбраць гэты і іншыя «прабелы» у функцыях сэрвісаў да закрыцця Play Music. Аднак да моманту адключэння большасць недахопаў не былі вырашыны.
У маі 2020 года была дададзена функцыя «папярэдняга захавання» для маючых адбыцца рэлізаў.
У лютым 2023 гады YouTube Music запусціў Radio Builder – бясплатны вэб-сэрвіс, даступны з любога месца свету як для платных падпісчыкаў, так і для бясплатных карыстальнікаў прылад на базе iOS або Android. З яго дапамогай карыстальнікі могуць стварыць уласную радыёстанцыю, абраўшы да 30 выканаўцаў з магчымасцю слухаць толькі іх песні ці песні супараўнальных музыкаў.
У красавіку 2023 г. у сэрвіс былі дададзены падкасты. Першапачаткова яны былі даступныя толькі для карыстальнікаў ЗША, але ў кампаніі ёсць планы на іх распаўсюджванне па ўсім свеце ў 2023 годзе.
Падпіскі На бясплатным узроўні прайграваюцца песні ў іх кліпавай версіі, дзе гэта магчыма. У прэміум-рэжыме ідуць афіцыйныя трэкі альбома, калі карыстальнік не шукае відэаверсію. Падпісчыкі YouTube Music Premium і YouTube Premium могуць пераключыцца ў рэжым "audio-only" (толькі аўдыя), які можа працаваць у фонавым рэжыме, пакуль праграма не выкарыстоўваецца. Бясплатны ўзровень не дазваляе карыстацца "audio-only" з фонавым прайграваннем, бо пры гэтым адлюстроўваецца відэарэклама. +Падпіска Рэклама Прапусканне і Аўтаномны рэжым Фонавае прайграванне Якасць гуку Бясплатная 128 кбіт/с OPUS YouTube Music Premium 256 кбіт/с OPUS YouTube Premium 256 кбіт/с OPUS Планы YouTube Music Premium і YouTube Premium даступны ў індывідуальных і сямейных варыянтах. Сямейны тарыфны план дазваляе атрымаць доступ да функцый да шасці членаў сям'і з аднаго дома. Студэнты могуць атрымаць скідку на індывідуальны тарыфны план.
Катэгорыя:Праграмнае забеспячэнне для Android Катэгорыя:Праграмнае забеспячэнне, распрацаванае ў 2015 годзе Катэгорыя:YouTube