Беміджыўскі дзяржаўны ўніверсітэт () — амерыканская дзяржаўная вышэйшая навучальная ўстанова са статусам універсітэта, які месціцца ў горадзе Беміджы ў штаце Мінесота, ЗША.
Агульная характарыстыка Вучэльня была заснавана ў 1919 годзе і адкрылася пад назвай Беміджыўская дзяржаўная нармальная (настаўніцкая) школа. Першы набор вучэльні складаўся з 38 студэнтаў. Пазней назва вучэльні была зменена на Беміджыўскі дзяржаўны педагагічны каледж у 1921 годзе, затым скарочана на Беміджыўскі дзяржаўны каледж у 1957 годзе, і, нарэшце, у 1975 годзе назва была зменена на сучасную. На працягу 1998-1999 навучальнага года рада папячыцеляў універсітэта рэкамендавала змяніць назву ўніверсітэта на Мінесоцкі ўніверсітэт у Беміджы, каб адлюстраваць змены пасля аб'яднання ВНУ штата ў рамках нядаўна створанай сістэмы каледжаў і універсітэтаў пасля таго, як гэта зрабілі іншыя буйныя ўстановы штата. Актыўны супраціў з боку студэнтаў, выпускнікоў і мясцовых жыхароў прымусіў раду папячыцеляў адклікаць рэкамендацыю аб змене назвы ўстановы. У цяперашні час універсітэт навучае студэнтаў з 44 штатаў ЗША і 40 краін свету.
Гл. таксама Спіс універсітэтаў штата Мінесота
Крыніцы
Спасылкі
Афіцыйная інтэрнэт-старонка ўстановы
Катэгорыя:Навучальныя ўстановы з англійскай мовай навучання Катэгорыя:Універсітэты паводле алфавіта Катэгорыя:Універсітэты Мінесоты