Клементс Роберт Маркем (таксама Маркхэм; ; , Стылінгфліт — , ) — англійскі географ, даследчык і пісьменнік. З 1863 па 1888 гады займаў пасаду сакратара Каралеўскага геаграфічнага таварыства, а пазней заставаўся прэзідэнтам таварыства яшчэ на працягу дванаццаці гадоў. Спрыяў пачатку палярнай кар’еры Роберта Скота. Клементс Маркем з’яўляўся членам Лонданскага каралеўскага таварыства, а таксама Рыцарам-Камандорам Ордэна Лазні.
Біяграфія
Маркем пачаў ваенна-марскую кар’еру як кадэт Каралеўскага ваенна-марскога флота. Стаўшы мічманам, адправіўся ў Арктыку на караблі HMS «Assistance», які быў пасланы на пошукі зніклай экспедыцыі сэра Джона Франкліна. Быў адказным за збор пладоў хінных дрэў у перуанскіх лясах і наступнае вырошчванне іх у Індыі. Такім чынам індыйскі ўрад атрымаў сваю крыніцу хініну. Маркем таксама з’яўляўся географам абісінскіх экспедыцыйных сіл сэра Роберта Нейпіра ў Англа-эфіёпскай вайне і прысутнічаў пры падзенні Магдалы ў 1868 годзе.
Галоўным дасягненнем Маркема на пасадзе прэзідэнта КГА стала адраджэнне ў канцы XIX стагоддзя ў Брытаніі цікавасці да даследавання Антарктыкі пасля амаль 50-гадовага перапынку. Змагаўся за тое, каб першая з іх была прадпрынятая як ваенна-марское прадпрыемства, на чале якой павінен быў абавязкова стаць Роберт Скот. Маркем змог пераадолець пярэчанні значнай часткі навуковай супольнасці і ў выніку ажыццявіў сваю задуму ў поўным аб’ёме. іншых даследчыкаў.
Два астравы каля берагоў Антарктыды і адна з рэк вострава Новая Гвінея таксама носяць імя Маркема.