Дарвін () — горад у Аўстраліі, сталіца Паўночнай тэрыторыі.
Насельніцтва — 99 тыс. чалавек (2009), гэта робіць горад найбольш населеным у маланаселенай Паўночнай тэрыторыі, але найменш населеным з усіх аўстралійскіх сталіц.
Двойчы практычна цалкам перабудоўваўся. Адзін раз пасля паветраных налётаў японскай авіяцыі падчас Другой Сусветнай вайны і другі раз пасля разбуральнага цыклону Трэйсі ў 1974 годзе. Пасля аднаўлення лічыцца адным з найбольш сучасных у архітэктурным дачыненні гарадоў Аўстраліі.
З 2003 горад звязаны чыгункай з Адэлаідай. Міжнародны аэрапорт Дарвіна размешчаны за 13 км ад горада, займае дзясятае месца ў спісе самых загружаных аэрапортаў краіны. Узлётна-пасадачная паласа аэрапорта выкарыстоўваецца сумесна грамадзянскай авіяцыяй і ваенна-паветранымі сіламі.
Катэгорыя:Гарады Паўночнай тэрыторыі