Неэмэ Ярві (; нар. , ) — эстонскі і амерыканскі дырыжор. Народны артыст Эстонскай ССР (1971). Лаўрэат Дзяржаўнай прэміі СССР (1978).
Біяграфія У 1955—1960 гадах вучыўся ў Талінскім музычным вучылішчы на аддзяленнях ударных інструментаў і харавога дырыжыравання.
У 1955—1960 гадах вучыўся ў Ленінградскай кансерваторыі на аддзяленні оперна-сімфанічнага дырыжыравання ў Мікалая Рабіновіча і Яўгена Мравінскага.
У 1980 годзе Ярві з сям’ёй пакінуў Савецкі Саюз і пераехаў у ЗША, з 1987 г. грамадзянін ЗША. У 1982—2004 гадах галоўны дырыжор Гётэбаргскага сімфанічнага аркестра, адначасова ў 1984—1988 гадах узначальваў Шатландскі нацыянальны аркестр, а ў 1990—2005 гадах Дэтройцкі сімфанічны аркестр. Быў таксама галоўным запрошаным дырыжорам Бірмінгемскага сімфанічнага аркестра (1981—1983) і інш. З 2005 г. галоўны дырыжор гаагскага Рэзідэнц-аркестра — аднаго з трох вядучых аркестраў Нідэрландаў. Рэгулярна выступае з Лонданскім сімфанічным аркестрам, амстэрдамскім Канцэртгебау, Аркестрам Парыжа і іншымі вядучымі калектывамі свету.
У 2010 годзе зноў узначаліў Эстонскі нацыянальны сімфанічны аркестр; праз некалькі месяцаў вырашыў пакінуць яго з-за рознагалоссяў з міністэрствам культуры, аднак вярнуўся да наступнага сезона і працягнуў працу з аркестрам.
Катэгорыя:Дырыжоры ЗША