Эль-Хадж Амар Бонга Андзімба (; імя пры нараджэнні — Альбер Бернар Бонга) ( — ) — габонскі дзяржаўны дзеяч, прэзідэнт Рэспублікі Габон у 1967—2009 гадах.
У 2003 годзе была зменена канстытуцыя. Змены дазвалялі абірацца прэзідэнтам неабмежаваную колькасць разоў і на 7 гадоў замест 5 і выбары абмяжоўваліся адным турам. Крытыкі абвінавацілі Бонга ў тым, што ён хоча ўсталяваць пажыццёвую дыктатуру.
У 2006 годзе 71-гадовы прэзідэнт Габона заяўляў, што збіраецца пераабірацца чарговы раз на гэтую пасаду ў 2012 годзе.
Быў саюзнікам Марока і блізкім сябрам караля Хасана II. У якасці пасярэдніка браў удзел ва ўрэгуляванні крызісаў у ЦАР, Рэспубліцы Конга, Бурундзі, Дэмакратычнай Рэспубліцы Конга, лівійска-чадскага ўзброенага канфлікту, канфлікту Чада і Судана.
За час яго кіравання падушавы ВУП у краіне вырас у 15 разоў — да 14 тысяч долараў ЗША ў год.
Шмат разоў абвінавачваўся ў карупцыі. У 1999 годзе камісія падкамітэта сената ЗША ацэньвала яго ўклады толькі ў Citibank у 130 млн долараў. Брытанская The Sunday Times у чэрвені 2008 года прысвяціла артыкул апісанню прыкладаў шыкоўнага ладу жыцця і шматмільённых пакупак Бонга і членаў яго сям’і. Часта вырашаў праблемы з апазіцыяй і СМІ шляхам прамога подкупу.
У канцы жыцця сутыкнуўся з карупцыйным расследаваннем, ініцыяваным французскімі ўладамі супраць яго, прэзідэнта Конга Сасу-Нгесо і прэзідэнта Экватарыяльнай Гвінеі Тэадора Абіянга Нгемы, але памёр да заканчэння расследавання (пасля абвінавачанне так і не было нікому прад’яўлена). Памяшканне Бонга ў іспанскую, а не французскую клінікі ў 2009 годзе звязваюць з тым, што ў Францыі ён баяўся магчымага арышту.
Нязменна кіраваў Габонам больш за сорак аднаго года.
Катэгорыя:Прэзідэнты Габона