Слоўнік новых слоў беларускай мовы — слоўнік неалагізмаў у беларускай мове, выдадзены ў 2009 годзе. Аўтарамі-ўкладальнікамі слоўніка з’яўляюцца В. І. Уласевіч, Н. М. Даўгулевіч.
Слоўнік змяшчае новую лексіку (пераважна запазычаную), якая з’явілася ў выніку кардынальных пераўтварэнняў у грамадска-палітычным, эканамічным і культурным жыцці краіны на мяжы XX–XXI стагоддзяў і актыўна выкарыстоўваецца ў перыядычным друку і актыўна выкарыстоўвалася ў перыядычным друку, а таксама ў тэкстах, змешчаных у сетцы інтэрнэт, але не адлюстраваная ў «Тлумачальным слоўніку беларускай мовы», семантычныя неалагізмы, лексіку 1920-х гг., якая пачала актыўна выкарыстоўвацца ў сучаснай мове: адсотак, амбасада, закладнік, маклер, пабытовы, спампаваць, флаер, чаўнок і інш. Усяго разгледжана каля 4500 слоў і выразаў, якія адлюстроўваюць практычна ўсе сферы сучаснага жыцця.
Слоўнік дае разнастайную інфармацыю пра слова: тлумачэнне, прыклады ўжывання ў СМІ, стылістычную і граматычную характарыстыку, пры неабходнасці — этымалогію.
Бібліяграфія Слоўнік новых слоў беларускай мовы : [каля 4500 слоў і выразаў] / В. І. Уласевіч, Н. М. Даўгулевіч ; Інстытут мовы і літаратуры імя Я. Коласа і Я. Купалы Нацыянальнай акадэміі навук Беларусі. — Мінск : ТетраСистемс, 2009. — 444 с. ; 21 см. — Бібліяграфія ў падрадковых заўвагах. — 2000 экз. — ISBN 978-985-470-860-7
Крыніцы
Катэгорыя:Слоўнікі беларускай мовы Катэгорыя:Кнігі 2009 года Катэгорыя:Слоўнікі неалагізмаў