Німб (ад nimbus — воблака, туман) — ззянне ў выглядзе кола вакол галавы як сімвал святасці на абразах, карцінах рэлігійнага зместу ў хрысціянскім, ісламскім і будыйскім мастацтве.
Апісанне Німб можа мець розную форму (круглую, трохвугольную, шасцівугольную і інш.) і розны колер. Асаблівым варыянтам з’яўляецца крыжаваны німб — круглы німб з укладзеным у яго крыжам. Гэта — адзін з найважнейшых атрыбутаў, які прыпісваецца толькі Хрысту на абразах і фрэсках як гістарычнай або сімвалічнай постаці.
Паходжанне і развіццё Німб вядомы з антычнасці, пачынаючы з эпохі элінізму. У хрысціянскім мастацтве ён пачынае шырока выкарыстоўвацца з IV стагоддзя.
У ісламскім мастацтве, асабліва ў мініяцюрах, німб ужываецца пры выявах розных людзей, не абавязкова святых.
У візантыйскай традыцыі німбам часта абазначалі царскую асобу.
Спасылкі Oxford Dictionary of Islam: use of halo in Persian and Ottoman miniatures Byzantine Art and Architecture: symbols of power and divinity Катэгорыя:Сімволіка Катэгорыя:Хрысціянскае мастацтва Катэгорыя:Будыйскае мастацтва Катэгорыя:Ісламскае мастацтва