Ніл Гейман (; нар. 10 лістапада 1960, Портчэстэр, графства Хэмпшыр, Англія) — брытанскі фантаст, пісьменнік, сцэнарыст, аўтар коміксаў. Найбольш вядомы творамі «Амерыканскія багі», «Пясочны чалавек», «Добрыя знакі» і «Караліна». Мае шэраг узнагарод і экранізацый.
Біяграфія і кар’ера Ніл Гейман нарадзіўся 10 лістапада 1960 у Портчэстэры. У дзяцінстве ўвесь вольны час бавіў за чытаннем кніг, найбольш любімымі з якіх былі «Аліса ў Краіне цудаў» Льюіса Кэрала і «Валадар пярсцёнкаў» Дж. Р. Р. Толкіна.
Пасля заканчэння школы працаваў журналістам. У 1984 публікаваў біяграфію поп-гурту Duran Duran, якая хутка стала папулярнай, першы наклад быў распрададзены за некалькі дзён.
Сумесна з мастаком Дэйвам Маккінам стварыў графічны раман «Жорсткія здарэнні» (, 1987), які прынёс ім вядомасць у свеце коміксаў. Пасля гэтага з’явілася міні-серыя коміксаў «Чорная архідэя» ().
У 1989 Гейман распачаў працу над серыяй коміксаў «Пясочны чалавек» (). Яна была насычана літаратурнымі спасылкамі і гістарычнымі алюзіямі, мела вялікі поспех і атрымала шмат узнагарод.
Далейшымі знакавымі творамі Геймана сталі: «Добрыя знакі» (; з Тэры Пратчэтам, 1990), «Зорны пыл» (, 1999), «Амерыканскія багі» (, 2001), «Караліна» (, 2002) і «Деці Анансі» (, 2006).
У 2003 Гейман вярнуўся да свету «Пясочнага чалавека» з кнігай «Бясконцыя ночы» (), якая стала першым графічным раманам, што трапіў у спіс бестселераў The New York Times у катэгорыі мастацкай літаратуры.
У 2009 выдаў кнігу «Гісторыя з могілкамі» (). Твор быў адзначаны чытачамі і крытыкамі.
У 2017 годзе апублікаваў кнігу «Скандынаўскія багі» (), інтэрпрэтацыю скандынаўскіх міфаў.
Узнагароды
«Амерыканскія багі» () адзначаны прэміяй Брэма Стокера, «Х’юга» і «Локус» 2002, а таксама «Неб’юла» 2003. «Караліна» () — «Х’юга», «Локус» і Брэма Стокера 2003, «Неб’юла» 2004, а таксама Прэміяй Брытанскай асацыяцыі навуковай фантастыкі 2003. «Деці Анансі» () — Mythopoeic Awards 2006. «Гісторыя з могілкамі» () атрымала Медаль Джона Н’юберы 2009, «Х’юга» 2009 і медаль Карнегі 2010. «Акеан у канцы дарогі» () — British National Book Awards, Кніга года 2013, «Локус» і «Неб’юла» 2014.
Асабістае жыццё У 2011 годзе Гейман ажаніўся з амерыканскай музыканткай і перформанс-артысткай Амандай Палмер. У пары нарадзілася дзіця. У 2022 яны разышліся.
Летам 2024 некалькі жанчын абвінавацілі Ніла Геймана ў сексуалізаваным гвалце.
Экранізацыі
У 2017 на Starz выйшаў серыял «Амерыканскія багі» (). У 2019 годзе на Amazon — міні-серыял «Добрыя знакі» (). У 2022 годзе Netflix прэзентаваў серыял «Пясочны чалавек» ().
Беларускія пераклады У 2017 у выдавецтве Змітра Коласа выйшаў пераклад на беларускую мову дзіцячай кнігі Ніла Геймана «Караліна». Аўтар перакладу — Дар’я Вашкевіч.
Крыніцы
Катэгорыя:Пісьменнікі Вялікабрытаніі Катэгорыя:Англамоўныя пісьменнікі Катэгорыя:Пісьменнікі паводле алфавіта Катэгорыя:Пісьменнікі XXI стагоддзя Катэгорыя:Лаўрэаты прэміі «Неб’юла» Катэгорыя:Журналісты Англіі