EsmGFP — штучны зялёны флуарэсцэнтны бялок, распрацаваны з дапамогай мадэлі штучнага інтэлекту ESM3, створанай кампаніяй EvolutionaryScale. Бялок не існуе ў прыродзе і быў згенераваны шляхам мадэлявання 500 мільёнаў гадоў малекулярнай эвалюцыі.
Распрацоўка Навукоўцы з EvolutionaryScale і Arc Institute распрацавалі esmGFP, навучаючы мадэль ESM3 на масіве дадзеных з 770 мільярдаў вядомых паслядоўнасцей бялкоў. Мадэль, прызначаная для прагназавання і стварэння бялковых структур, імітавала эвалюцыйныя працэсы на працягу 500 мільёнаў віртуальных гадоў для стварэння функцыянальных бялкоў, якія не сустракаюцца ў прыродзе. Навукоўцы далі ESM3 задачу згенераваць флуарэсцэнтны бялок, засяродзіўшы ўвагу на флуарэсцэнцыі. У выніку мадэль прапанавана бялок, які мае 58% падабенства паслядоўнасці са сваім найбліжэйшым вядомым аналагам — флуарэсцэнтным бялком з актыніі Entacmaea quadricolor. Атрыманы бялок пазней быў сінтэзаваны ў лабараторыі і прадэманстраваў флуарэсцэнцыю. Гэта стала доказам таго, што мадэлі ШІ здольны ствараць функцыянальныя біямалекулы, якія ніколі не ўзнікалі ў прыродзе ў працэсе натуральнай эвалюцыі. Даследаванне esmGFP першапачаткова было апублікавана ў выглядзе прэпрынта, а пазней прайшло рэцэнзаванне і было апублікавана ў часопісе Science. Незалежныя навукоўцы адзначылі патэнцыял бялковай інжынерыі з дапамогай ШІ, але таксама звярнулі ўвагу на тое, што такія метады не ўзнаўляюць усёй складанасці натуральнага адбору.
Знешнія спасылкі
Зноскі
Катэгорыя:Бялкі Катэгорыя:Біялогія Катэгорыя:Штучны інтэлект