Востраў Кінг (, ) — востраў у Берынгавым моры, на захад ад узбярэжжа Аляскі за 64 км ад мыса Дуглас, паўднёвей мыса Прынца Уэльскага.
Геаграфія Востраў скалісты, вышыня да 200 м, працягласць 1,6 км. Калі мора свабодна ад лёду (як правіла, з чэрвеня па лістапад), клімат з'яўляецца марскім. У халодную пару года - кантынентальны клімат. Сярэдняя тэмпература летам +5..+10 °C, зімой -20..-15 °C. Сярэднегадавая колькасць ападкаў — 250 мм (а таксама 850 мм снега).
Гісторыя Востраў быў адкрыты экспедыцыяй Івана Фёдарава і Міхаіла Гвоздзева ў 1732 годзе. У 1778 годзе даследаваны Джэймсам Кукам і названы ў гонар лейтэнанта Джэймса Кінга, удзельніка экспедыцыі.
У пачатку XX стагоддзя востраў быў месцам зімоўкі каля 200 эскімосаў, якія палявалі тут на маржоў і цюленяў (пражывалі ў вёсцы Уківак). Улетку эскімосы на каяках пакідалі востраў і займаліся лоўляй рыбы на мацерыковай Алясцы. У 1937 годзе на востраве пражывала 190 жыхароў у 45 дамах. Мелася каталіцкая царква і школа. У 1960–х гадах жыхары з-за эканамічных фактараў пакінулі востраў і пераехалі ў Ном. Згодна з Актам Адвечных паселішчаў Аляскі (англ.: Alaska Native Claims Settlement Act), востраў з'яўляецца ўласнасцю былых жыхароў вёскі.
З 1980 года з'яўляецца часткай Аляскінскага марскога нацыянальнага запаведніка.
Катэгорыя:Астравы Аляскі