Алякса́ндр Алякса́ндравіч Вераме́еў (, Мардзвін, Петрыкаўскі раён, Гомельская вобласць) — беларускі дзяржаўны службовец і гаспадарчы дзеяч. Старшыня Мазырскага раённага выканаўчага камітэта (з 2026 года).
Біяграфія Нарадзіўся 7 сакавіка 1979 года ў вёсцы Мардзвін Петрыкаўскага раёна ў сям'і рабочых.
Працоўную дзейнасць пачаў у 1999 годзе ў саўгасе «Петрыкаўскі» (які пазней быў пераўтвораны ў сельскагаспадарчае ўнітарнае прадпрыемства «Палессе-Аграінвест») на пасадзе загадчыка гаража.
У 2008 годзе скончыў Беларускую дзяржаўную сельскагаспадарчую акадэмію.
На гэтым жа прадпрыемстве «Палессе-Аграінвест» паслядоўна працаваў інжынерам-механікам, намеснікам галоўнага інжынера па ахове працы і галоўным інжынерам. На пасадзе намесніка дырэктара курыраваў пытанні маркетынгу, пэўны час выконваў абавязкі кіраўніка гаспадаркі. У маі 2023 года быў прызначаны дырэктарам прадпрыемства «Палессе-Аграінвест».
Беспартыйны. Вылучаўся кандыдатам у дэпутаты Петрыкаўскага раённага Савета дэпутатаў 29-га склікання па Мышанскай выбарчай акрузе № 32.
У жніўні 2024 года, падчас рабочай паездкі ў Петрыкаўскі раён, Аляксандр Лукашэнка непасрэдна ў полі прызначыў Аляксандра Верамеева на пасаду старшыні Петрыкаўскага раённага выканаўчага камітэта.
12 мая 2026 года Аляксандр Лукашэнка даў згоду на прызначэнне Аляксандра Верамеева старшынёй Мазырскага раённага выканаўчага камітэта, на гэтай пасадзе ён змяніў Алену Паўлечку. Лукашэнка станоўча ахарактарызаваў сістэмнасць новага кіраўніка раёна, адзначыўшы, што яго «палеская ўпёртасць» дапаможа эфектыўна кіраваць такім буйным прамысловым і аграрным гігантам, якім з'яўляецца Мазырскі раён.
13 мая 2026 года на пазачарговай сесіі Мазырскага раённага Савета дэпутатаў Аляксандр Верамееў быў афіцыйна зацверджаны на пасадзе старшыні райвыканкама. Новага кіраўніка актыву раёна прадставіў старшыня Гомельскага абласнога выканаўчага камітэта Іван Крупко.
Асабістае жыццё Жанаты. Мае траіх дзяцей.
Крыніцы
Катэгорыя:Нарадзіліся 7 сакавіка Катэгорыя:Нарадзіліся ў 1979 годзе Катэгорыя:Нарадзіліся ў Петрыкаўскім раёне Катэгорыя:Выпускнікі Беларускай дзяржаўнай сельскагаспадарчай акадэміі Катэгорыя:Старшыні Петрыкаўскага раённага выканаўчага камітэта Катэгорыя:Старшыні Мазырскага раённага выканаўчага камітэта