Ара́нскія () — шляхецкі род герба «Касцеша». Паходзілі з Новагародскага ваяводства Вялікага Княства Літоўскага. Прадстаўнікі роду таксама ўжывалі радавы прыдомак Война (). У XIX стагоддзі прадстаўнікі роду жылі ў Гродзенскай губерні.

Гісторыя Род вядомы ў Новагародскім ваяводстве з пачатку XVIII стагоддзя. Першым дакументальна засведчаным прадстаўніком гэтай галіны з’яўляецца Стэфан Аранскі, які ў 1720 годзе набыў тут маёнтак. На працягу XVIII стагоддзя яго нашчадкі валодалі невялікімі зямельнымі надзеламі на Навагрудчыне і трымалі земскія ўрады, напрыклад, Міхаіл Аранскі ў 1790 годзе згадваецца як харужы ноўгарад-северскі.

У XIX стагоддзі, пасля далучэння зямель да Расійскай імперыі, асобныя прадстаўнікі роду перайшлі на цывільную дзяржаўную службу.

Аранскія былі прызнаны ў дваранстве пастановай Гродзенскага дваранскага дэпутацкага сходу ад 9 кастрычніка 1817 года і ўнесены ў 1-ю частку дваранскай радаводнай кнігі. Указам Сената гэтае рашэнне не зацвярджалася.

Род Аранскіх быў пароднены з такімі шляхецкімі радамі як Карэйвы, Радзішэўскія, Вольскія, Трушынскія і Абуховічы.

Уладанні Родапачынальнік Стэфан Аранскі ў 1720 годзе набыў маёнтак Грынкаўшчына (вядомы таксама як Грыцэвічы) у Новагародскім павеце ў стольніка навагрудскага Каспара Карэйвы. У 1766 годзе ён завяшчаў гэты маёнтак сваім сынам Карлу і Міхаілу.

Міхаіл Аранскі разам са сваёй жонкай Кларай Радзішэўскай валодаў фальваркам Генералаўшчына (або Канавальшчына) у Новагародскім павеце паводле застаўнага права ад харужага ўланскай брыгады войскаў літоўскіх Базыля Вольскага (1779). Спадчынны маёнтак Грынкаўшчына ён пакінуў свайму сыну Вінцэнту.

Вінцэнт Аранскі ў 1784 годзе прадаў бацькоўскі маёнтак Грынкаўшчына князю Міхалу Радзівілу. Пазней, у 1810 годзе, ён валодаў фальваркам Далматоўшчына (ці Ксяндзоўшчына) паводле застаўнага права ад Юрыя і Канстанцыі з Ваўчэцкіх Трушынскіх. У 1823 годзе ён набыў фальварак Рукаўчыцы ў Навагрудскім павеце ў суддзі мазырскага Адама-Бернарда і Ганны з Ваўчэцкіх Абуховічаў.

Вядомыя прадстаўнікі Міхаіл Аранскі (нар. 1745) — харужы ноўгарад-северскі (1790). Аляксандр Аранскі (нар. 1815) — калежскі сакратар, у 1840—1850-х гадах працаваў у Гродзенскай грамадзянскай палаце.

Радавод

1. Стэфан, набыў маёнтак Грынкаўшчына (1720) 2/1. Карл 3/1. Міхаіл (нар. 1745), харужы ноўгарад-северскі; жонка — Клара Радзішэўская 4/3. Вінцэнт (нар. 1774), прадаў маёнтак Грынкаўшчына (каля 1784); жонка — Антаніна Трушынская 5/4. Кірыл-Антон (нар. 1813) 6/4. Аляксандр (нар. 1815), калежскі сакратар, працаваў у Гродзенскай грамадзянскай палаце 7/4. Адольф-Альберт (нар. 1829)

Крыніцы

Літаратура

Катэгорыя:Шляхецкія роды Катэгорыя:Вялікалітоўская арыстакратыя Катэгорыя:Дваранства Гродзенскай губерні