Тамаш Сапега () — вялікалітоўскі дзяржаўны дзеяч. Ваявода вендэнскі (1641—1643) і новагародскі (з 1643).
Біяграфія
З кодзенскай лініі магнацкага роду Сапегаў герба «Ліс», сын Мікалая Багданавіча Сапегі і Раіны з Дарагастайскіх. Меў брата Казіміра Мікалая.
У 1617 годзе навучаўся ў езуіцкім калегіуме ў Любліне, у 1619—1621 — у Кракаўскім універсітэце. У 1621—1625 гадах працягваў адукацыю за мяжой — у Інгальштаце (1621), Падуі (1622), Балонні (1623) і Лёвене (1625).
Па вяртанні на радзіму быў пры двары караля і вялікага князя Жыгімонта Вазы, дзе ў 1632 годзе страціў руку ў паядынку з Юрыем Зяновічам. Браў удзел у вайне з Маскоўскай дзяржавай на чале ўласнай гусарскай харугвы.
У 1640 годзе абіраўся маршалкам Галоўнага Трыбунала. У красавіку 1641 годзе атрымаў урад ваяводы вендэнскага, а на мяжы 1642 і 1643 — ваяводы новагародскага. Удзельнічаў у перамовах з маскоўскімі пасламі.
Пахаваны ў касцёле францысканцаў у ГальшанахSapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 195..
Сям’я Да 1638 года ажаніўся з Сюзанай Храптовіч, дачкой Юрыя Храптовіча. Нашчадкаў не пакінуў нашчадкаўСліж Н. Маёнтак Гайцюнішкі і яго ўладальнікі // Arche. 2015. № 12 (145). Срэбны век. — С. 255—300.
У 1639 годзе Тамаш Сапега запісаў жонцы 30 000 злотых вена, у 1640 годзе падарыў рухомыя рэчы і 20 000 злотых на маёнтках Мінтаўшчына, Дубна і Круглае. У адказ, як падзяку, Сюзана ў 1640 годзе вярнула мужу рухомыя рэчы і грошы. Аднак неўзабаве паміж сужэнцамі ўзніклі праблемы. Юрый Храптовіч выступіў у абарону дачкі, калі даведаўся, што Тамаш Сапега прымушае яе падпісваць пазыковыя дакументы, а атрыманыя грошы растрачвае. У 1645 годзе Юрый Храптовіч падаў скаргу на Сапегу ў лідскі гродскі суд.
У тэстаменце Тамаш Сапега пацвердзіў жонцы дарчы запіс, а таксама адзначыў, што яна не павінна плаціць па яго пазыковых запісах. У 1646 годзе запісаў жонцы 50 000 злотых на маёнтках Вака, Петухова і на корчмах. Уся маёмасць бяздетнага Тамаша Сапегі пераходзіла да яго брата — падкаморага вялікага літоўскага Казіміра Леана Сапегі.
Пасля смерці Тамаша Сапегі, Сюзана вымушана была апраўдвацца на судзе. Яна прысягнула, што не брала грошы ў Гуйскага ў 1646 годзе і не запісвала фундацый францысканскаму касцёлу ў Гальшанах у 1647 годзе. Галоўны Трыбунал ВКЛ вызваліў яе ў 1647 годзе ад выплаты даўгоў.
У 1650 годзе ў сувязі з вялікім пазыкамі Тамаша Сапегі зроблена ацэнка нерухомых і рухомых рэчаў у Гальшанах.
Крыніцы
Літаратура
Тамаш Катэгорыя:Сенатары Рэчы Паспалітай Катэгорыя:Ваяводы новагародскія Катэгорыя:Ваяводы вендэнскія Катэгорыя:Маршалкі Трыбунала Вялікага Княства Літоўскага