thumb|Рэшткі Гордзіяна
Го́рдзіян, таксама Го́рдзій (, ) — археалагічны помнік на захадзе цэнтральнай Турцыі на тэрыторыі населенага пункта Ясыхуюк (). У мінулым — галоўны горад Старажытнай Фрыгіі.
Даследаванні паказалі, што Гордзіян быў пабудаваны на месцы старога паселішча ў VIII ст. да н. э. ст. да н. э. Сама назва значыла "горад". Ён месціўся ў рачной даліне, прыдатнай для земляробства. Быў добра ўмацаваны. Найважнейшую частку складала цагляная цытадэль, пашыраная і дадаткова ўмацаваная ў VII ст. да н. э. Унутры яе знаходзіўся валадарскі палац, на поўдзень і на супрацьлеглым баку ракі — жытлы простых гараджан. Каля 620 да н. э. цытадэль была разбурана кімерыйцамі. Горад быў часткова ўзноўлены і праіснаваў прыкладна да VI ст. н. э.
У антычным Гордзіяне знаходзіўся знакаміты Гордзіеў вузел. Згодна паданню, той, хто змог бы развязаць яго, стаў бы валадаром сусвету. Аднак на працягу доўгага часу гэтага ніхто не здолеў зрабіць. У 334 г. да н. э. Аляксандр Македонскі папросту рассек яго мячом.
У наваколлях захавалася каля 80 курганоў — фрыгійскіх магільняў, якія ўзводзілі на працягу ўсяго 1 тысячагоддзя да н. э. Да нашага часу з іх даследавана прыкладна палова. У адным з курганоў знойдзены алфавітны надпіс VIII ст. да н. э., найстаражытнейшы за межамі Фінікіі.
Археалагічныя раскопкі праводзяцца з 1900 г.
Спасылкі livius.org The Archaeology of Phrygian Gordion, Royal City of Midas. / Ed. by C. Brian Rose, 2012 Gordion Research Bibliography The Phrygian language
Катэгорыя:Жалезны век Катэгорыя:Археалагічныя аб’екты ў Турцыі Катэгорыя:Фрыгія