Атмасфера Месяца — вельмі разрэджаная газавая абалонка Месяца, ў 10 трлн разоў менш шчыльная (ціск на паверхні прыкладна 10 нПа) у параўнанні з зямной атмасферай, якая складаецца ў асноўным з вадароду, гелію, неону і аргону. Практычна не ўздзейнічае на Месяц.
Крыніцамі атмасферы з'яўляюцца як унутраныя працэсы (выдзяленне газаў з кары Месяца і вулканізму), так і знешнія — падзенні мікраметэарытаў, сонечны вецер. Месяц не ўтрымлівае ўсе газы, бо мае слабую гравітацыю; хуткасць броўнаўскага руху малекул газаў на паверхні Месяца большая за яго першую касмічную скорасць, таму вялікая частка газаў рассейваецца ў космасе.
Канцэнтрацыя часціц у паверхні Месяца значна змяняецца ў залежнасці ад часу месяцовых сутак: ноччу на 1 см³ прыходзіцца 105 часціц, а ўдзень 104. Для Зямлі гэты паказчык складае 2,7.
У рамках праекта Апалон былі праведзены даследаванні атмасферы Месяца, у выніку якіх была выяўлена прысутнасць у ёй атамаў аргону і гелію; наступныя назіранні з Зямлі паказаліA.E. Potter, T.H. Morgan (1988). Discovery of Sodium and Potassium Vapor in the Atmosphere of the Moon Science 241 наяўнасць іонаў натрыю і калію.
У 1991 даследчыкамі з Бостанскага ўніверсітэта быў знойдзены натрыевы «хвост», які распасціраецца да 15-20 радыусаў Месяца ў бок, процілеглы ад СонцаMichael Mendillo, Jeffrey Baumgardner, Brian Flynn (1991). Imaging observations of the extended sodium atmosphere of the Moon.
Для непасрэднага вывучэння месяцавай атмасферы ў верасні 2013 года быў запушчаны зонд LADEELADEE на сайце НАСА.
Спасылкі
J. K. Wilson, S. M. Smith, J. Baumgardner, M. Mendillo. Enhancement of the Moon’s Sodium Tail Following the Leonid Meteor Shower of 1998
Катэгорыя:Месяц