Марозія (Мароцыя) (, 880/892 — 937/954) — дачка рымскага сенатара Тэафілакта I і яго жонкі Феадоры Старэйшай.
Біяграфія
Адрозніваючыся прыгажосцю і лёгкімі норавамі, атрыманымі ў спадчыну ад маці, яна мела, разам з ёй, вялікі ўплыў на Папаў X стагоддзя. Ажанілася з Альберыхам I, маркграфам Камерына, і з дапамогай свайго палюбоўніка, Папы Сергія III, падахвочвала мужа, пераможца над сарацынамі пры Гарыльяна, захапіць уладу над Рымам.
Калі гэта не ўдалося з-за процідзеяння Папы Яна X і Альберых быў забіты, Марозія ажанілася з Гвіда, маркграфам Тасканы, стварыла сабе моцную партыю ў Рыме, захапіла Яна X і загадала задушыць яго ў турме.
Наступныя Папы — Леў VI і Стэфан VII (VIII) — былі крэатурамі Марозіі, якая пасля смерці Стэфана ўзвяла на папскі прастол свайго сына ад Папы Сергія, Яна XI, і стала поўнай валадаркай Рыма і Царквы. Тым часам Гвіда памёр, і Марозія ажанілася з Гуга Арльскім, каралём Арэлацкім і Італьянскім.
Неўзабаве пасля вяселля яе сын ад першага шлюбу, Альберых II, настроіў рымлян супраць маці, выгнаў Гуга з Рыма, захапіў у свае рукі ўладу, аддаў пад варту Папу і пасадзіў у турму Марозію, дзе яна заставалася да самай смерці.
Перыяд кантролю Марозіі і Феадоры над Рымам завецца парнакратыяй.
Мужы: Альберых I Гвіда, маркграф Тасканы Гуга Арльскі, кароль Італіі Дзеці: Ян XI Альберых II Сергій Канстанцін Берта
Літаратура
Катэгорыя:Постаці Італіі Катэгорыя:Жанчыны Сярэдневякоўя Катэгорыя:Палюбоўніцы Рымскіх Папаў Катэгорыя:Графы Тускулумскія