Камень філарэтаў — геалагічны помнік прыроды на Беларусі (з 1972 г.). Знаходзіцца за 500 м на паўночны захад ад в. Карчова Баранавіцкага раёна Брэсцкай вобласці, ва ўрочышчы Кут, паблізу Туганавіцкага парку.
Валун сярэднезярністага граніту з крышталямі амфіболу. Даўжыня 4,1 м, шырыня 3 м, вышыня 1,9 м, у абводзе 13,9 м, аб'ём 12 м3, маса каля 32 т. Прынесены ледавіком каля 200—120 тысяч год таму са Скандынавіі.
Вядомы як месца сустрэч «філарэтаў», членаў канспіратыўнага таварыства патрыятычнай студэнцкай моладзі: А. Міцкевіча, Т. Зана, Я. Чачота, І. Дамейкі, Ю. Яжоўскага, Ф. Малеўскага і інш.
Літаратура
— С. 637, 658—659. Несцярчук Л. М. Палацы, паркі, замкі Баранавіцкага раёна. Гісторыя, стан, перспектывы. Брэст, 1999, стар. 62—66. Габрусь Т., Кулагін А., і інш. Страчаная спадчына. Мн., 1998, стар. 223—224.
Катэгорыя:Валуны Беларусі Катэгорыя:Філарэты Катэгорыя:Помнікі прыроды рэспубліканскага значэння Брэсцкай вобласці Катэгорыя:Славутасці Баранавіцкага раёна Катэгорыя:Карчова