Касцёл Святога Яна Боска— рымска-каталіцкі касцёл, які будуецца ў мікрараёне Серабранка.
Гісторыя
Будуецца для парафіі Св. Яна Хрысціцеля, якая дзейнічае з 1991 г. Святыня будуецца ў гонар заснавальніка салезіянаў — св. Яна Боска. Зараз набажэнствы здзяйсняюцца ў капліцы. Будаўніцтва капліцы распачалі ў жніўні 2001 г. і асвяцілі 24 чэрвеня 2002 г. Увесну 2007 года парафія св. Яна Хрысціцеля, па рашэнні Мінгарвыканкама атрымала дазвол на пабудову касцёла. 15 чэрвеня на выдзеленай пад будаўніцтва пляцоўцы распачалося рыццё катлавану пад падмуркі касцёла, які мае стаць першым новазбудаваным касцёлам у горадзе з часу рэвалюцыі 1917 г. Будаўніцтва святыні адбываецца побач з капліцай.
8 жніўня 2015 г. ў парафіі адбылася ўстаноўка і асвячэнне крыжоў на вежах касцёла, які будуецца. Асвячэнне здзейсніў Мітрапаліт Мінска-Магілёўскі арцыбіскуп Тадэвуш Кандрусевіч.
Гл. таксама Дэканат Мінск-Усход
Спасылкі Мінск (Серабранка) — парафія Св. Яна Хрысціцеля — http://catholic.by/
Катэгорыя:Касцёлы Мінска Катэгорыя:Серабранка (жылы раён, Мінск) Катэгорыя:Вуліца Пляханава (Мінск) Катэгорыя:Касцёлы Мінска-Магілёўскай архідыяцэзіі