Васі́ль Емялья́навіч Ана́ньіч ( — ) — савецкі военачальнік беларускага паходжання, контр-адмірал (1944 год).
Біяграфія Нарадзіўся ў в. Турэц Чэрвеньскага павета. У Чырвонай Арміі з 1920, з 1921 пачалася яго флотская служба. Скончыў Ваенна-марское палітычнае вучылішча (1928), Ваенна-палітычную акадэмію імя Леніна (1937), Вышэйшую ваенную акадэмію (1952).
Праходжанне службы: камісар падводнай лодкі (1932—1937), камісар дывізіёна, потым брыгады падводных лодак (1937—1940). У 1940 годзе — намеснік начальніка Палітупраўлення Паўночнага флоту. У час Вялікай Айчыннай вайны ўдзельнічаў у абароне Запаляр’я. З верасня 1941 года член Ваеннага Савета Беламорскай ваеннай флатыліі, з ліпеня 1945 года — намеснік начальніка Палітупраўлення Балтыйскага флоту. У 1953 — 1957 гадах працаваў у сістэме ваенна-марскіх навучальных устаноў.
Літаратура
Памяць: Гіст.-дакум. хроніка Чэрвеньскага р-на. — Мн., 2000.
Катэгорыя:Удзельнікі Вялікай Айчыннай вайны Катэгорыя:Нарадзіліся ў Чэрвеньскім раёне Катэгорыя:Контр-адміралы СССР Катэгорыя:Падводнікі