Sara Escarpizo Couto, coñecida como Sarah Lorenzana ou Margarita del Campo, nada en Cangas de Morrazo o 1 de abril de 1878"Sarah Lorenzana" en El Eco de Galicia, 339, 20-3-1901, p. 3. e finada en Madrid en 1960, foi unha mestra e escritora galega.
Traxectoria Filla de Augusto Escarpizo Lorenzana e Elisa Couto Salcedo. Aos 13 anos obtivo o título de mestra superior de instrución primaria, e tres anos despois dirixiu en Pontevedra o Colegio de la Purísima Concepción, onde se ensinaba ás mulleres idiomas, debuxo, música e cultura básica. Despois foi profesora nunha escola de párvulos de Vigo. Animada por Rogelio Lois Estévez, a quen lle prologou o libro Remembranzas (1894), escribiu no semanario El Obrero, asinando como Margarita del Campo e colaborou na Crónica de la Asamblea Pedagógica y Exposición Escolar. En Pontevedra tamén dirixiu entre 1894 e 1896 a revista El Ángel del Hogar. Foi secretaria en España da publicación artística Le´Envolée e membro da Asociación da Literatura Francesa. En 1906 foi nomeada correspondente da Real Academia Galega.
Escribiu artigos sobre Concepción Arenal e sobre a catedral de Mondoñedo nas revistas Galicia e Follas Novas da Habana. Colaborou en El Eco de Santiago (1897-1898) Artes y letras (México), El Espectador (Veracruz), El Comercio (Lima), El Diario (Chicago), El Boletín de los Niños (Buenos Aires), El Liberal (Madrid) e El Noticiero Universal (Barcelona).
Publicou en 1897 en Tui o libro de poemas Lirios: poesías originales, e en 1905 Acuarelas, no que aparece o seu único poema en galego, "Meu Leres". En 1923 apareceu o libro infantil Los ensueños del príncipe Jazmín. Cuentos de hadas, en 1924 a noveliña Vida Gris e en 1929 Eva San Juan. En 1935 publicou Francisquita de Asís na colección La Novela Rosa da editorial Juventud de BarcelonaEl Defensor de Córdoba, 8-7-1935, p. 3.. Residindo en Madrid apareceu en 1949 Mientras la lluvia canta.
Obras Poesía Lirios: poesías originales, 1897. Acuarelas, 1905.
Literatura infantil Acuarelas: Cuentos y poesías, 1905 La quinta de los lagos. Cuentos y máximas morales para la lectura de los niños, 1907. El amor de la lumbre: Lecturas instructivas, 1908. Al amor de la lumbre. Lecturas instructivas, 1908. Villa Rosalba: Lecturas amenas, instructivas y morales, 1909. Lis: Lecturas amenas, instructivas y morales para los niños, 1910. Cuentos de color de hortensia, 1911. Cuentos de color de oro, 1911. Bosquejos: Cuentos, 1913. Cuentos de color amatista, 1914. Cuentos azules, 1914. Los ensueños del príncipe Jazmín. Cuentos de hadas, 1923. Vida Gris, 1924. Cuentos de color de nieve, 1926. Memorias de una muñeca, 1929.
Las aventuras de Hugo El primer vuelo, 1908 En el palacio de las golondrinas, 1908 El tío Sidoro, 1909 Camino de un vergel, 1910 El país de las camelias, 1910 A bordo de la "Montserrat", 1912 De Marsella a los Alpes, 1913 Rondinella, 1914 El doctor Wonderful, 1914 De protegido a protector, 1915 Alma fuerte, 1918 A las orillas del Mosa, 1920
Narrativa Eva San Juan, 1929. Mis tres primitas, 1931. Francisquita de Asís, 1935. La secretaria del doctor Misterio, 1935. Mientras la lluvia canta, 1949.
Ensaio El consultor del maestro, discursos, 1913. De Marsella a los los Alpes, 1913. Cisneros. Gran Cardenal de España, 1954. Macías, el enamorado, 1955.
Notas
Véxase tamén Bibliografía
Ligazóns externas
Categoría:Profesores de Galicia Categoría:Escritores de Galicia en lingua castelá Categoría:Xornalistas de Cangas de Morrazo Categoría:Nados en Cangas de Morrazo Categoría:Nados en 1878 Categoría:Finados en 1960 Categoría:Membros correspondentes da Real Academia Galega