Zubiri é unha localidade do val e municipio de Esteribar en Navarra, dentro da comarca de Auñamendi e a Meiriñado de Sangüesa. A localidade atópase a 20 km de Pamplona e en 2013 tiña 439 habitantes É a capital administrativa do val, onde se sitúa o seu concello e ademais o centro industrial do mesmo. Na localidade atópase a planta de Magnesitas Navarras, S.A. (MAGNA), unha empresa de transformación de magnesita.
Topónimo O nome de Zubiri significa "Vila da Ponte", do éuscaro (Zubi: ponte e iri: vila).
Xeografía A localidade atópase en centro do val de Esteribar baixo o monte Murelu (650 msnm.), a 526 msnm. de altitude, na beira dereita do río Arga e a 20 km da capital Navarra, Pamplona.
Demografía Evolución da poboación da localidade nos últimos anos. Evolución demográfica 2000 2001 2002 2003 2004 2005 2006 2007 2008 2013 387 389 393 393 411 429 433 460 423 439
Historia Durante a Idade Media houbo na localidade un mosteiro beneditino, o cal dependeu de Leyre por unha doazón efectuada polo rei García o de Nájera en 1040.
Administración A localidade está constituída como un concello pertencente ao municipio de Esteribar. O concello está formado por unha xunta de catro vocais e un presidente do concello.
Na localidade tamén se atopa a sede do Concello do val de Esteribar.
Camiño francés O Camiño de Santiago seguindo a ruta do camiño francés pasa por Zubiri na súa segunda etapa partindo de Roncesvalles e é o punto de saída da terceira etapa.
O Camiño accede a Zubiri pola ponte medieval sobre o río Arga, Ponte da rabia, así chamado pola crenza de que se se obriga a un animal rabioso a dar unha volta completa ó redor do piar central, cura da enfermidade. Zubiri, en éuscaro, significa precisamente pobo da ponte.
Monumentos e lugares de interese 250px|miniatura|Ponte da Rabia. Arquitectura civil Ponte da Rabia: Situado sobre o río Arga, é unha ponte lendaria de estilo románico do século XII. Segundo unha lenda que, ao pasar baixo os seus arcos, os animais afectados dunha enfermidade quedaban milagrosamente curados. Fonte da auga de batueco: Segundo unha lenda popular as súas augas teñen propiedades curativas. Albergue de Peregrinos Arquitectura Relixiosa Igrexa de San Esteban Protomartir: É un templo de nova construción, O edificio orixinal foi destruída durante as Guerras Carlistas.
Notas
Véxase tamén Outros artigos Esteribar Navarra Camiño francés
Ligazóns externas Datos de Zubiri - Goberno de Navarra: Información e datos de entidades locales de Navarra. Datos de Zubiri - Federación Navarra de Municipios e Concejos.
Categoría:Localidades do Camiño Francés Categoría:Xeografía de Navarra