José Santiago Seijo, nado en Viveiro en 1877 e finado na mesma vila o 25 de abril de 1945,El Progreso, 2-5-1946, p. 3. foi un avogado, xornalista e político galego.
Traxectoria Avogado en Viveiro. Integrado no maurismo, en 1912 organizou a Juventud Conservadora de Viveiro. Concelleiro de Viveiro, en novembro de 1913 foi nomeado alcalde por Real Orde,El Norte de Galicia, 25-11-1913, p. 3. posto no que permaneceu até agosto do ano seguinte. Foi director do semanario El Vivariense en 1914, e foi detido e procesado. Ao ano seguinte dirixiu Verdad y Justicia. Secretario do concello de Mondoñedo, foi nomeado secretario do concello de Viveiro en novembro de 1923.La Voz de Galicia, 4-11-1923 Volveu ser nomeado alcalde de Viveiro ao rematar a ditadura de Primo de Rivera e tomou posesión o 14 de abril de 1930.
Foi elixido concelleiro o 12 de abril de 1931. Coa proclamación da Segunda República integrouse na ORGA facéndose co control da organización ao desprazar e marxinalizar ao sector de Ramón Villar Ponte. Presidiu o Partido Republicano Independiente de Viveiro, constituído en marzo de 1933,El Pueblo Gallego, 9-3-1933, p. 9. que editou ese ano o semanario Vox Pópuli. Foi nomeado alcalde en abril de 1934 e permaneceu no cargo até setembro de 1935, cando foi destituído polo gobernador civil, sendo substituído no cargo polo primeiro tenente de alcalde Eugenio Pérez Abadín.El Progreso, 18-9-1935, p. 2. Foi reposto no cargo en xaneiro de 1936.Alborada, 19-1-1936, p. 1. Co golpe de Estado do 18 de xullo de 1936 foi detido o 15 de agosto e xulgado por rebelión, co resultado de sobresemento provisional. Saíu en liberdade o 14 de decembro de 1936, a disposición da autoridade gobernativa.
Notas
Véxase tamén Bibliografía
Ligazóns externas Ficha en represión franquista en Lugo
Categoría:Alcaldes de Viveiro Categoría:Alcaldes de Galicia durante a Restauración Categoría:Alcaldes de Galicia durante a II República Categoría:Nados en Viveiro Categoría:Nados en 1877 Categoría:Finados en 1945