Mario Fernández Mazas, nado en Ourense en 1920 e finado en Cella en 1937, foi un xornalista galego.
Traxectoria Irmán máis novo de Cándido Fernández Mazas. Xunto cos seus amigos Luís Taboada Camoeiras e Amadeo Varela Rodríguez publicou a revista Espartaco. Os seus artigos aparecían asinados como MA FER MA. En 1936 preparábase para iniciar os estudos de medicina. Co golpe de Estado do 18 de xullo de 1936 foi detido. Destinado á fronte de guerra logo de pasar por A Coruña, Zaragoza e Teruel. Segundo a versión oficial foi abatido en Cella (provincia de Teruel) por unha bala perdida, pero en realidade tratouse dun axustizamento, pois o cadáver presentaba unha bala nas costas.
Véxase tamén
Outros artigos Cándido Fernández Mazas Armando Fernández Mazas Ligazóns externas Biografía
Categoría:Asasinados polo bando nacional Categoría:Nados en Ourense Categoría:Nados en 1920 Categoría:Finados en 1937