Pedro Pena Gamallo, nado en Santiago de Compostela o 27 de marzo de 1853''Padrón veciñal de Santiago dos anos 1900 e 1903 (AHUS http://www.usc.es/arquivo/). e finado na mesma cidade o 18 de xuño de 1920El Compostelano, 19-6-1920, p. 4., foi un industrial e político galego.
Traxectoria Foi peiteador de profesión, propietario de varios establecementos santiagueses, como a Peluquería y Barbería de Pedro Pena (rúa do Vilar, 45), La Reina del Tocador. Perfumería de Pedro Pena (rúa do Vilar, 66) e o Gran Salón de Peluquería de Pedro Pena (praza do Toural, 3).
Membro do Partido Liberal vencellado ao monterismo, foi concelleiro de Santiago de Compostela dende 1889. Logo da dimisión do alcalde Lino Torre Sánchez-Somoza o 17 de xaneiro de 1909, foi nomeado alcalde interino de Santiago de Compostela o 23 de xaneiro, permanecendo no cargo até mediados de febreiro de 1909. Posteriormente volveu ser concelleiro e Tenente-Alcalde, ocupando de novo accidentalmente a alcaldía no mes de maio do mesmo ano por enfermidade do alcalde, Manuel Fuentes Rodríguez.
Vida persoal Casou con Gabriela Pérez Pereira e tivo dous fillos, María e Pedro.
Notas
Categoría:Alcaldes de Santiago de Compostela Categoría:Alcaldes de Galicia durante a Restauración Categoría:Nados en Santiago de Compostela Categoría:Nados en 1853 Categoría:Finados en 1920 Categoría:Personalidades de Galicia sen imaxes finados hai máis de 80 anos