A dos reduncinos ou redunquinosA adaptación académica do termo do latín científico Reduncinae é redunquinos, pero na bibliografía adoita verse escrito reduncinos. (Reduncinae) é unha subfamilia de mamíferos artiodáctilos ruminantes da familia dos bóvidos, que comprende 2 xéneros cunhas 10 especies de pequenos antílopes africanos,Wilson & Reeder (2005): Mammal species of the world. que son coñecidos como cobos e reduncas.

Habitan en África, en zonas pantanosas ou preto da auga.Dorst, J. & Dandelot, P. (1973), p. 211.

Estes antílopes apareceron por primeira vez no rexistro fósil hai 7,4 millóns de anos (MA) en Eurasia e hai 6,6 MA en África.

Características Os reduncinos son antílopes de tamaños variados (hainos pequenos, medianos e grandes), os máis deles de constitución pesada Teñen os cornos ben desenvolvidos (só presentes nos machos), curvados cara a atrásna base, despois cara a arriba e, finalmente, cara a adiante nos extremos; os cornos nunca aparecern retortos, pero si anelados. Teñen os belfos espidos.

A maioría das especies viven en zonas pantanosas, ás veces mesmo debaixo da auga, en chairas aluviais, terras anegadas ou noutras áreas ben irrigadas, nunca lonxe da auga, aínda que tamén algúns habitan en montes pedregosos.Dorst, J. & Dandelot, P. (1973), pp. 212-220. ou preto da auga.

Todos son principalmente herbívoros.

Clasificación A subfamilia foi establecida en 1907 poolo zoólogo alemán Theodor Knottnerus-Meyer, na súa obra Über das Tränenbein der Huftiere: vergleichend-anatomischer Beitrag zur Systematik der rezenten Ungulata.

Xéneros e especies

Segundo Wilson & Reeder en Mammals Species of rhe World (MSW), a subfamilia comprende 3 xéneros con 10 especies:

Subfamilia Reduncinae' Xénero Kobus Kobus anselli Kobus ellipsiprymnus Kobus kob Kobus leche Kobus megaceros Kobus vardonii Xénero Pelea Pelea capreolus Xénero Redunca Redunca arundinum Redunca fulvorufula Redunca reduncaPorén, o NCBI separa o xénero Pelea,Reduncinae no NCBI. coa súa especie Pelea capreolus, para a subfamilia dos Peleinae,Peleinae no NCBI. á parte de non considerar, dentro de Kobus, a especie Kobus anselli:

Subfamilia Reduncinae Xénero Kobus Kobus ellipsiprymnus Kobus kob Kobus leche Kobus megaceros Kobus vardonii Xénero Redunca Redunca arundinum Redunca fulvorufula Redunca reduncaNota: A posición sistemática do xénero Pelea é moi discutila. Para maior información, véxase antílope caprino, Pelea capreolus.

Notas

Véxase tamén

Bibliografía Dorst, J. & Dandelot, P. (1973): Guía de campo de los mamíferos salvajes de África. Barcelona: Ediciones Omega, S. A. Haltenorth, T. & Diller, H. (1986): A Field Guide of the Mammals of Africa including Madagascar. Londres: William Collins Sons & Co Ltd. ISBN 0-00-219778-2. Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9. Wilson, D. E. & D. M. Reeder, editors (2005): Mammal species of the world: a taxonomic and geographic reference''. Third edition. The Johns Hopkins University Press. Baltimore, Maryland, USA. ISBN 0-8018-8221-4.

Outros artigos Bóvidos Antílope

Ligazóns externas Reduncinae en Tree of Life. Reduncinae no SIIT. Reduncinae en ADW. Reduncinae no NCBI.

Categoría:Bóvidos Categoría:Antílopes