Gérald Cyprien Lacroix, nado o 27 de xullo de 1957 en Saint-Hilaire de Dorset (Quebec) é un cardeal e arcebispo católico latino canadense.
Traxectoria Naceu en Saint-Hilaire de Dorset o 27 de xullo de 1957, e ingresou no Instituto Secular de Pío X en 1975. Foi ordenado sacerdote o 8 de outubro de 1988 polo bispo auxiliar do Quebec, Maurice Couture.
O 7 de abril de 2009 foi elixido bispo auxiliar do Quebec e bispo titular de Hilta. Recibiu a consagración episcopal o 24 de maio de mans do arcebispo do Quebec Marc Ouellet, tendo como co-consagrantes ao arcebispo emérito Maurice Couture e ao bispo auxiliar do Quebec Gilles Lemay.
O 22 de febreiro de 2011 o papa Bieito XVI nomeouno arcebispo de Quebec. Tomou posesión da arquidiocese o 25 de marzo.
O 22 de febreiro de 2014 o papa Francisco creouno cardeal co título de Cardeal-Presbítero de San Giuseppe all’Aurelio.
Categoría:Bispos católicos do Canadá Categoría:Bispos da Igrexa católica latina Categoría:Cardeais creados por Francisco Categoría:Cardeais do Canadá Categoría:Nados en 1957 Categoría:Nados no Quebec Categoría:Relixiosos católicos do Canadá Categoría:Membros da Congregación para o Culto Divino e a Disciplina dos Sacramentos