A dos bótidos (Bothide) é unha familia de peixes osteíctios da orde dos pleuronectiformes que abrangue numerosas especies, coñecidas como peixes planos zurdos (por teren os dous ollos situados no lado esquerdo), a maioría delas propias dos mares tropicais.Muus, Bent J. et al. (1998), p. 257.
As especies que viven nas augas galegas adoitan coñecerse co nome de rapapelos.Rodríguez Solórzano et al. (1983), pp. 185-186.Rodríguez Villanueva et al. (1995), pp. 294-299.Lahuerta e Váuz (2000), p. 79.
Características As principais características dos peixes desta familia son: A boca é terminal, e coa mandíbula inferior prominente. Ambos os ollos están situados no lado esquerdo na maioría das especies. Non pesentan espiñas nas aletas. A orixe da aleta dorsal comeza diante do ollo superior. A aletas dorsal e anal están separadas da aleta caudal. As aletas ventrais son moi asimétricas. A liña lateral só aparece no lado ocular.
Distribución xeográfica As especies desta familia viven en augas das rexións temperadas e tropicais dos océanos Atlántico, Índico e Pacífico.Bothidae en FishBase.
Clasificación Segundo o WoRMS a familia comprende os seguintes xéneros (indícase o número das especies de cada un):
Arnoglossus Bleeker, 1862 - 35 especies Asterorhombus Tanaka, 1915 - 4 especies Bothus Rafinesque, 1810 - 16 especies Chascanopsetta Alcock, 1894 - 8 especies Crossorhombus Regan, 1920 - 5 especies Engyophrys Jordan & Bollman, 1890 - 2 especies Engyprosopon Günther, 1862 --31 especies Grammatobothus Norman, 1926 - 3 especies Japonolaeops Amaoka, 1969 - 1 especie Kamoharaia Kuronuma, 1940 - 1 especie Laeops Günther, 1880 - 12 especies Lophonectes Günther, 1880 - 2 especies Monolene Goode, 1880 - 11 especies Neolaeops Amaoka, 1969 - 1 especie Parabothus Norman, 1931 - 9 especies Perissias Jordan & Evermann, 1898 - 1 especie Psettina Hubbs, 1915 - 10 especies Scolops - 1 especie (nomen dubium) Taeniopsetta Gilbert, 1905 - 2 especies Tosarhombus Amaoka, 1969 - 6 especies Trichopsetta Gill, 1889 - 4 especies
Galería
Notas
Véxase tamén
Bibliografía Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago: Xunta de Galicia / Termigal. ISBN 84-453-2913-8. Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2. Nelson, Joseph S. (2006): Fishes of the World. Nova York: John Wiley & Sons, Inc. ISBN 978-0-471-25031-7. Rodríguez Solórzano, Manuel; Sergio Devesa Regueiro e Lidia Soutullo Garrido (1983): Guía dos peixes de Galicia. Vigo: Editorial Galaxia. ISBN 84-7154-433-4. Rodríguez Villanueva, X. L. e Xavier Vázquez (1995): Peixes do mar de Galicia. (III) Peixes óseos (continuación). Vigo: Edicións Xerais de Galicia. ISBN 84-7507-870-2. van der Land, J.; Costello, M.J.; Zavodnik, D.; Santos, R.S.; Porteiro, F.M.; Bailly, N.; Eschmeyer, W.N.; Froese, R. (2001): "Pisces", en: Costello, M. J. et al., eds. European register of marine species: a check-list of the marine species in Europe and a bibliography of guides to their identification. Collection Patrimoines Naturels, 50: pp. 357–374.
Outros artigos Teleósteos Pleuronectiformes
Ligazóns externas Bothidae en ADW. Bothidae no NCBI. Especies de bótidos na Lista vermella da UICN.
Categoría:Pleuronectiformes