Os Trombidiformes constitúen unha ampla e diversa orde de ácaros, que comprende unhas 125 familias e máis de 22.000 especies descritas. O grupo ten poucas sinapomorfias que o definan, a diferenza do outro gran grupo de Acariformes, os Sarcoptiformes. Caracterízanse por ter segmentos AN e PA anamórficos (non engadidos durante a ontoxenia), segmento C histerosomal con menos de catro pares de setas, e segmentos histerosomais D e E con menos de dous pares de setas.OConnor, B.M. 1984. Phylogenetic relationships among higher taxa in the Acariformes, with particular reference to the Astigmata. pp. 19-27 in D.A. Entre os seus membros hai algúns medicamente importantes (como os Demodex, algúns dos cales viven nos humanos, e os Trombiculidae) e moitas especies importantes para a agricultura, como os Tetranychidae e os ácaros das bugallas (Eriophyidae). Os Trombidiformes poden dividirse en dous grupos: Sphaerolichida e Prostigmata.
Notas
Véxase tamén Outros artigos Bdelloidea (ácaros)
Categoría:Ácaros