Ocho apellidos catalanes é un filme español dirixido por Emilio Martínez-Lázaro que se estreou o 20 de novembro de 2015 en España. É a secuela do filme Ocho apellidos vascos, con Dani Rovira, Clara Lago, Karra Elejalde e Carmen Machi repetindo os seus papeis e a incorporación de Belén Cuesta, Berto Romero, Rosa Maria Sardà e Antonio Resines. Está producida por Telecinco Cinema.
Sinopse
Despois de que Rafa (Dani Rovira) rompese a súa relación con Amaia (Clara Lago), o pai dela, Koldo (Karra Elejalde), preséntase en Sevilla para anunciarlle os novos plans de voda da súa filla cun catalán. Arrepentido por provocar a ruptura, Rafa acompaña a Koldo á masía xerundense do pretendente, Pau (Berto Romero), que mobilizou a vila para facer crer á súa avoa, Roser (Rosa Maria Sardà), que Cataluña conseguiu a independencia e que a súa voda será a primeira que acolla o novo país.
Invitada por Amaia, Merche (Carmen Machi), que se presenta desta vez co nome de Carme, reprocha a Koldo non ter sabido facer fronte ao compromiso, aínda que este realmente segue namorado dela. Merche, por outra banda, anima a Rafa a recuperar o amor de Amaia. Cando o sevillano sabe que Judit (Belén Cuesta), a muller en realidade galega (Maruxiña) que organiza o casamento, está perdidamente namorada de Pau, ambos uniranse a Koldo e Merche para intentar frear o enlace e conseguir que Amaia e Rafa rematen xuntos para sempre.
Elenco ActorPersonaxeClara LagoAmaia ZugastiDani RoviraRafael "Rafa" QuirósCarmen MachiMercedes "Merche"Karra ElejaldeKoldo Zugasti ZabalaAlberto LópezJoaquínAlfonso SánchezCurroBelén CuestaJudit (Maruxiña)Berto RomeroPau SerraRosa María SardàRoserAgustín JiménezAnselmoTxabi FranquesaAndreu
Localización O filme está rodado en Monells (Xirona).
Notas
Categoría:Filmes de 2015 Categoría:Filmes en lingua castelá Categoría:Filmes de España Categoría:Filmes dirixidos por Emilio Martínez-Lázaro Categoría:Filmes de comedia