Faustino Rodríguez-San Pedro Díaz-Argüelles,"Faustino Rodríguez San Pedro Díaz-Argüelles 1833-1925" filosofia.orf nado en Xixón o 30 de xuño de 1833 e finado na mesma cidade o 10 de xaneiro de 1925, foi un avogado e político español. Foi ministro de Facenda, ministro de Estado e ministro de Instrución Pública e Belas Artes durante o reinado de Afonso XIII .
Traxectoria Cursou os estudos de Dereito na Universidade de Oviedo, para exercer logo como avogado nesta mesma cidade e trasladarse máis tarde a Madrid, onde o seu despacho alcanzou un gran renome. Deputado por Alacant nas eleccións de 1884, nos procesos electorais celebrados entre 1886 e 1898 obtería escano pola circunscrición de Cuba. En 1899 pasou ao Senado como senador vitalicio, chegando a ser vicepresidente de dita cámara.
O 5 de outubro de 1890 converteuse en alcalde de Madrid, sendo a súa principal achega á cidade a creación do parque da Elipa.
Foi ministro de Facenda entre o 25 de marzo e o 20 de xullo de 1903 nun gabinete Silvela. Posteriormente, entre o 5 de decembro de 1903 e o 16 de decembro de 1904, foi ministro de Estado nun goberno de Maura, e finalmente, entre o 25 de xaneiro de 1907 e o 21 de outubro de 1909, foi ministro de Instrución Pública e Belas Artes no coñecido como «goberno longo» de Maura.
Foi profesor da Universidade Central de Madrid, académico da Real Academia de Ciencias Morais e Políticas, presidente da Unión Ibero-Americana durante cuxa presidencia creou o denominado entón Día da Raza, desde 1987 Festa Nacional de España. Foi tamén presidente do Consello de Administración dos Ferrocarrís do Norte.
É bisavó do ex-vicepresidente do goberno e expresidente do Fondo Monetario Internacional Rodrigo Rato e do conselleiro de Sanidade do Goberno de Asturias José María Navia-Osorio García-Braga.
Títulos e condecoracións Gran Colar da Orde de Carlos III. (1916).
Notas
Véxase tamén
Bibliografía
Categoría:Alcaldes de Madrid Categoría:Finados en 1925 Categoría:Nados en 1833 Categoría:Ministros de Asuntos Exteriores de España Categoría:Ministros de Educación de España Categoría:Ministros de España Categoría:Académicos de número da Real Academia de Ciencias Morais e Políticas Categoría:Nados en Xixón