Sir Walter Elliot, nado o 16 de xaneiro de 1803 en Edimburgo, e finado o 1 de marzo de 1887 en Wolfelee, condado de Roxburghshire (Escocia), foi un funcionario colonial británico na India, que traballou principalmente en Madrás.

Tamén foi un eminente orientalista, lingüista, naturalista, etnólogo e numismático.

Traxectoria Primeiros anos Elliot naceu en 1803 en Edimburgo e fixo os seus primeiros estudos cun titor privado e, máis tarde, foi a unha escola cerca de Doncaster. Despois entrou na universidade de Haileybury, cunha recomendación da súa tía, a viúva de John Elphinstone, XII Lord Elphinstone.Arbuthnot, A. J. (2004): "Elliot, Sir Walter (1803–1887)". Oxford Dictionary of National Biography. Oxford: Oxford University Press. Graduouse con "gran distinción" e entrou a traballar como funcionario civil na Compañía Británica das Indias Orientais, chegando a Madrás o 14 de xuño de 1820.

Investigacións na India miniatura|220px|Anathana ellioti, dedicada a Elliot por George Robert Waterhouse. (O nome do xénero deriva do támil). Mentres estivo na India, Elliot redactou un diario con notas sobre unha ampla gama de temas. Tamén escribiu para as revistas das sociedades académicas. En 1859 publicou Flora Andhrica or plants of the Northern Circars, no que incluíu os nomes das plantas en inglés e telugú. En 1840 escribiu sobre 'cromlechs and cairns' nos outeiros de Nilgiri. En 1845 escavou e recolleu os "Mármores de Amaravati", que naquel tempo se chamaron os "mármores de Elliot" e se exhibían en Madrás. Estes mármores foron finalmente trasladados ao Museo Británico.Photos of the Elliot Marbles, Linnaeus Tripe, British Library.

Elliot estudou antigas inscricións, crenzas e culturas. Foi un gran numismático e coleccionista de moedas; a súa principal obra sobre as moedas da India meridional publicouse en 1885, cando xa non podía ver, e tiña que tocar as moedas para describilas.

Walter Elliot tivo un grande interese pola zooloxía da India, e pasou moito tempo estudándoa ao aire libre nos seus primeiros anos naquel país.Campbell, Walter (1864): My Indian Journal. Edimburgo: Edmonston & Douglas. p. 140. Mantivo correspondencia con Charles Darwin e á súa solicitude envioulle peles de diversas aves domésticas da India e Birmania en 1856. Tamén colaborou con naturalistas na India como Thomas C. Jerdon.

Recolectou espécimes de moluscos, baleas e golfiños varados nas praias e unha ampla gama doutras especies que foron examinadas por expertos en Inglaterra, como Richard Owen.

Catalogou os mamíferos do sur da India en Madras Journal of Literature and Science e describiu varias especies novas de mamíferos pequemos incluíndo a rata Golunda ellioti e a tupaia de Elliot ou esquío bambú, Anathana ellioti que despois lle foron dedicadas.

A casa de Elliot en Randals Road, Vepery, Madrás, foi un punto focal para os estudosos da rexión. Animou a moitos outros investigadores orientais, incluíndo a Ferdinand Kittel e Robert Caldwell.

Últimos días: de volta en Escocia

Elliot volveu a Escocia en 1860, establecéndos en Wolfelee, condado de Roxburghshire. Alí continuou as súas investigacións. En 1866 foi nomeado Cabaleiro da orde da Estrela da India. En 1874 mandou un obituario de Thomas C. Jerdon á revista Nature, pero non foi publicado 'por falta de espazo'. Apareceu finalmente nunha revista do seu condado.Elliot, W. (1873): "Memoir of Dr T. C. Jerdon." Hist. Berwickshire Nat. Cl. 7: 143–151. En 1878 foi elixido membro da Royal Society. E en 1879 foi distinguido como Legum Doctor (LL. D., Doutor en Leis) da Universidade de Edimburgo. No seu condado, continuou servindo como tenente de comisionado e maxistrado.Tancred, George (1907): Rulewater and its people. Edinburgh: T. and A. Constable. pp. 91–92.

O seu fogar escocés converteuse nun auténtico museo. Elliot permaneceu activo até o día da súa morte. O 1 de marzo de 1887 ditou e asinou unha carta para George Pope, expresando o seu entusiasmo por unha nova edición da tradución de Pope do támil Tirukkuṛaḷ. Faleceu nesa mesma noite.

Obras Elliot foi autor de: Hindu Inscriptions being an outline of the Hindu Dynasties of S India from 4th to 12th Centuries deduced from Inscriptions collected in the Dekhan. J. Roy. As. Soc. 18 Account of the Poma sodomitica, or Dead Sea Apples , Entom. Soc. Trans., ii. 1837–40, pp. 14–17. A Catalogue of the Species of Mammalia found in the Southern Mahratta Country, with their synonyms in the native languages in use there, Madras Jour., x., 1839, pp. 92–108,207–233. Description of a new Species of Naja, or Cobra di Capello, Madras Jour., x., 1840, pp. 39–41. Note on the Species of Naja (N. vittata), described; page 39, Madras Jour., xi., 1840, pp. 390–393. Catalogue of the Mammalia found in the Southern Mahratta Country. Madras Journ Lit & Sc x 1839 Numismatic Gleanings, being a description of the most ancient coinage of Southern India. Mad Journ, vols xix & xx Flora Andhrica an identification of the Vernacular names of Plants in the Telugu Districts. Madras, 1858-9 On the Characteristics of the population of Central & Southern India. Journ Ethn Soc new series, vol i 1869 Ancient Sepulchral Remains of S India particularly those of the Nilagiri Mountains. Rep of the International Congress of Prehistoric Archaeology, 1865. On Bos Gaurus, Jour. Asiatic Soc., x., 1841, pp. 579–580. Description of a new Species of Terrestrial Planria (P. lunata), Madras Jour., xv., 1848, pp. 162–167. On the Farinaceous Grains and the various Kinds of Pulse used in Southern India, Edin. New Phil. Jour., xvi., 1862, pp. 1–25 ; Edin. Bot. Soc. Trans., vii., 1863, pp. 276–300. On Euphysetes simus, Ann. May. Nat. Hist., xix., 1867, pp. 372,373. On the Habits of the Indian Rock-Snake (Python molurus), Brit. Assoc. Reports, xl., 1870 (sect.), p. 115. Address on the Progress of Botanical Science , Edin. Bot. Soc. Trans., xi., 1873, pp. 1–41. On a Goshawk killed at Minto, and other Raptorial Birds, Proc. Berwickshire Nat. Field Club, vol. vi. Rarer Birds of the Hawick District, Proc. Ber. Nat. Field Club, vol. vii. Some Account of the Plague of Field Mice in the Border Farms in 1876–77, with Observations on the Genus Arvicola in general, Proc. Ber. Nat. Field Club, vol. viii. Notes on the Indian Bustard (Eupodotis Edwardsii), Proc. Zool. Soc., 1880. On the Representation and Co-operation of Naturalists' Clubs, Proc. Ber. Nat. Field Club, vol. ix. Coins of Southern India [serie International Numismata Orientalia, parte 9]. Trübner & Co, Londres, 1886.

Abreviaturas A abreviatura Elliot emprégase para recoñecer a como autoridade na descrición e clasificación en botánica. A abreviatura Elliot emprégase para recoñecer a como autoridade na descrición e taxonomía en zooloxía.

Notas

Véxase tamén Ligazóns externas

Stephen, Leslie, ed. (1889): "Elliot, Walter". Dictionary of National Biography '17. Londres: Smith, Elder & Co.

Categoría:Científicos do Reino Unido Categoría:Botánicos de Escocia Categoría:Zoólogos do Reino Unido Categoría:Numismáticos do Reino Unido Categoría:Nados en 1803 Categoría:Nados en Edimburgo Categoría:Finados en 1887 Categoría:Etnólogos Categoría:Orientalistas