Os estudos de área (en inglés: area studies, en alemán: Regionalwissenschaft) ocúpanse da sociedade, cultura e historia dunha determinada rexión xeográfica, e tamén do seu idioma, literatura e análise lingüística. Ademais, a política representa un aspecto importantísimo a considerar dentro destes. Caracterízanse por unha forte interdisciplina; están considerados entre os estudos culturais.
Nas universidades ofrécense numerosas carreiras en estudos de área, por exemplo: sinoloxía, nipoloxía, indoloxía, estudos europeos etc. É común que o estudo de idiomas teña un papel preponderante nas mesmas.
Débense diferenciar dos estudos de área os estudos de filoloxía, como por exemplo as letras inglesas, que se ocupan fundamentalmente dos estudos de lingua e cultura inglesa.
En xeografía humana investíganse os estudos de área no relativo á xénese e evolución das rexións.
Campos de estudo Os campos específicos de estudo varían de institución en institución, e de departamento en departamento, pero os máis usuais inclúen: Estudos africanos: Exiptoloxía Estudos asiáticos: Asirioloxía Indoloxía Nipoloxía Sinoloxía Turcoloxía Estudos europeos: Cultura clásica Bizantinoloxía Estudos celtas Estudos eslavos Estudos americanos: Amerindoloxía Estudos latinoamericanos Outros campos de estudo interdisciplinarios como os estudos da muller (chamados tamén estudos de xénero) e os estudos étnicos (por exemplo os estudos sobre mestizos, afroamericanos etc...) non se consideran parte dos estudos de área, aínda que se adoitan incluír nas discusións relativas aos mesmos.
Institucións Existen institucións de educación superior que se adican exclusivamente a estudos de área, por exemplo a londiniense Escola de Estudos Orientais e Africanos ou a Universidade de Estudos Estranxeiros de Toquio do Xapón. Na Universidade de Oxford, o St Antony's College especialízase en estudos de área e inclúe unha gran cantidade de centros de investigación dedicados a diferentes áreas do mundo.
Véxase tamén
Bibliografía Area Studies und die Welt: Weltregionen und neue Globalgeschichte. Mandelbaum Verlag, Viena, 2007. Learning Places: The Afterlives of Area Studies (Asia-Pacific: Culture, Politics, and Society). Duke University Press, Durham e Londres, 2002. Kuijper, Hans (2008)."Area Studies versus Disciplines: Towards an Interdisciplinary, Systemic Country Approach". The International Journal of Interdisciplinary Social Sciences, Vol. 3, Issue 7, pp. 205–216.
Schäfer, Wolf (2010). "Reconfiguring Area Studies for the Global Age." Globality Studies Journal, 22. 31-12-2010.
Categoría:Estudos de área