Vista de Delft () é unha pintura do pintor neerlandés Johannes Vermeer. Este óleo sobre lenzo foi pintado en Delft entre 1659 e 1660 e actualmente está exposto na pinacoteca Mauritshuis, na cidade da Haia.Slatkes, Leonard. Vermeer and his contemporaries. Abbeville Press. 1981. Páxina 40. [978-0-89659-195-0] (En inglés)
Descrición Vista de Delft representa unha parte da cidade que foi o berce de Vermeer, baixo a perspectiva do vedutismo; unha pintura moi detallada dunha paisaxe urbana. Xunto con A canella, trátase da única paisaxe da obra do pintor e é a única representación dun vasto espazo.Montias, John M. Vermeer and His Milieu: A Web of Social History. Princeton University Press. 1991. Páxina 200. [ISBN 978-0-691-00289-7] (En inglés) A representación de Delft realízase desde a cara sur, ollando cara ao norte, desde a outra beira do porto fluvial. Pódese ver en primeiro plano a canle, enmarcada polas portas de Schiedam (á esquerda) e Rotterdam (á dereita), así como a Igrexa Nova (Nieuwe Kerk) protestante iluminada no fondo polos raios do SolVista de Delft na páxina web do museo Mauritshuis . (En inglés). Esta igrexa non ten campás, o que permite a súa datación, xa que se coñece que foron colocadas de maio de 1660. Pódese recoñecer tamén a torre cónica dunha cervexaría desaparecida posteriormente.Timothy Brook. Le Chapeau de Vermeer. Le XVIIe siècle à l'aube de la mondialisation. Payot, 2010. [ISBN 2-228-90493-7] (En francés)
Interpretación e comentario Marcel Proust cualificou Vista de Delft nunha carta ao seu amigo Jean-Louis Vaudoyer como "a pintura máis fermosa do mundo". Describe o cadro no quinto volume da súa novela À la recherche du temps perdu ("Na procura do tempo perdido"), despois de descubrilo no museo de Jeu de Paume, en París, en 1921. Faino nestes termos:Vago, Davide. "Le "petit pan de mur jaune" de Proust: la couleur invisible". En Intermède. 26 de abril de 2011. (En francés)
Rastrexabilidade da obra Data de creación descoñecida: adquirida por Pieter van Ruijven (1624-1674) en Delft, a Johannes Vermeer (1632-1675). (?) 1674: herdada por Magdalena van Ruijven (-1682). (?) Cara a 1695: pertence a Jacob Dissius. 16 de maio de 1696: venda da colección de Jacob Dissius. 2 de maio de 1822: adquirida por Jeronimo de Vries na venda da colección Anna Johanna Teding van Berckhout-Kops. 1822: comprada polo Gabinete Real de Pinturas Mauritshuis, da Haia.
Notas
Véxase tamén
Outros artigos Johannes Vermeer Delft Centro Vermeer de Delft Vedutismo
Bibliografía Bonafoux, Pascal. Vermeer. Nova York, Konecky & Konecky, 1992. [ISBN 978-1-56852-308-9] (En inglés) Wheelock, Arthur K. Vermeer: The Complete Works. Nova York. Harry N. Abrams,1997. [ISBN 978-0-811091-737-8] (En inglés) 1966: Dans la lumière de Vermeer. París. Musée de L'orangerie. 24 de setembro a 28 de novembro (catálogo de exposición). (En francés)
Ligazóns externas Vista de Delft na páxina web do Mauritshuis
Categoría:Obras pictóricas de Johannes Vermeer Categoría:Cadros do Mauritshuis Categoría:Pintura do Barroco Categoría:Delft