Jean-Amand Lamaze, S.M., nado o 28 de marzo de 1833 en Saint-Michel-sur-Meurthe (Vosgos, Francia) e finado o 9 de setembro de 1906 en Maofaga (Tongatapu, Tonga) foi un misioneiro católico francés, bispo e vigairo apostólico de Oceanía Central dende 1879 até o seu pasamento.
Traxectoria Naceu o 28 de marzo de 1833 en Saint-Michel-sur-Meurthe, un concello do departamento dos Vosgos, no Reino de Francia. O 1 de maio de 1857, con 24 anos, foi ordenado sacerdote, e cinco anos máis tarde, o 24 de setembro de 1862 profesou como padre marista.
O 23 de maio de 1879 foi nomeado vigairo apostólico de Oceanía Central, bispo titular de Olympus, e administrador apostólico da vigairía apostólica das Navegadores. Recibiu a consagración episcopal de mans do cardeal Louis-Marie Caverot o 21 de decembro do mesmo ano.
En 1896, co nomeamento de Pierre-Jean Broyer, deixou de administrar o arquipélago das Navegadores. Continuou a exercer como vigairo apostólico de Oceanía Central até o seu pasamento o 9 de setembro de 1906 en Tongatapu.
Categoría:Nados en 1833 Categoría:Nados no departamento de Vosgos Categoría:Finados en 1906 Categoría:Padres maristas de Francia Categoría:Bispos católicos de Francia Categoría:Bispos católicos de Tonga Categoría:Bispos católicos de Samoa Categoría:Bispos da Igrexa católica latina Categoría:Misioneiros