Bartug Aykan, nado en Edirne (Turquía) en 1971, é un tradutor e profesor turco vinculado a Galicia.
Traxectoria
Emigrou a Alemaña con dous anos e trasladou a súa residencia a Galicia en 1998. É profesor de alemán na Escola Oficial de Idiomas de Santiago de Compostela e Pontevedra«Para traducir hai que ter en conta que unha lingua son sentimentos, cores» en La Voz de Galicia, 2008..
Traduciu varias obras de Orhan Pamuk ao galego, en compañía doutras tradutoras.
Distincións
Foi galardoado co Premio á Mellor Tradución de 2009 da Asociación de Escritores en Lingua Galega por O museo da inocenciaA mellor tradución do ano en Editorial Galaxia, 2011. e co Premio Fervenzas Literarias ao Mellor Libro de Adultos Traducido en 2011 por O libro negroDous libros de Galaxia, premiados na web Fervenzas Literarias en Editorial Galaxia., ambas de Orhan Pamuk e co-traducidas con María Alonso Seisdedos.
Obras traducidas
Traduciu unha gran cantidade de obras desde o turco.Bartug Aykan , en Cultura Galega.
O castelo branco, de Orhan Pamuk (Editorial Galaxia, 2007) con Eva Almazán. Istambul: as lembranzas e a cidade, de Orhan Pamuk (Editorial Galaxia, 2008) con Lara Domínguez Araújo. O museo da inocencia, de Orhan Pamuk (Editorial Galaxia, 2009) con María Alonso Seisdedos. Neve, de Orhan Pamuk (Editorial Galaxia, 2009) con María Alonso Seisdedos. O libro negro, de Orhan Pamuk (Editorial Galaxia, 2011) con María Alonso Seisdedos. Chámome vermello, de Orhan Pamuk (Editorial Galaxia, 2012) con María Alonso Seisdedos.
Notas
Categoría:Personalidades de Galicia sen imaxes
Categoría:Tradutores de Galicia Categoría:Tradutores ao galego Categoría:Nados en 1971 Categoría:Nados na provincia de Edirne